THU PHLAAN 22:2 - Cho Bible Common Language 2016

² Cun ah tuinu ah tuikam vang veing ung ghin nak ah sing ghing om ci. Cun ah sing cu cha ät ung hnü ät m’theih ne, kum ät ung gha lei-goi vei m’theih ci. Cun ah hnah gui cu chang avan ah gai nak vai ah kyak ci.

THU PHLAAN 22:2 Referans Kwoze

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

ATÜNNAK 2:9

Cun ah dum ung kyom ne, ei hlü vai ah m’theih ciah sing ghing a hlü hlü ghing sak ci. Dum ah ang lung ung ghin nak ah sing ghing phi om ci, akni la akshe m’chaa nak ah sing ghing phi om ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

NG'THU K'THUUK~ 3:18

Cüivai ciah chang gui cu yeikyai ci gui, cüivai nak naw ghin nak pe gui ci.

THU PHLAAN 22:19

A u chang phi shin ah ca-uk ungka caciim heikpai tuk ciah chang cu, Khanpughi naw shin ah caciim ung guk ah ghin nak sing ah am theih ei nak hning la theingciim ciah mang gaw ung luh nak hning cu k’phleeng pek khai nei.

THU PHLAAN 21:24

Chang ah hta avan cu cun ah mang gaw ah akdei ung hteit-hton khai gui. M’dek ah khan ghangpughang gui naw ami ng’bühmang nak cu cun ah mang gaw ah law püi khai gui.

THU PHLAAN 21:21

M’Kawt tumat cu yapi ng’mo tumat awn ami pyan ah kya ne, m’kawt gha-lei-goi ung yapi ng’mo gha-lei-goi lawk ci. Mang gaw ah lam gui cun phi ghui bäng ah kya ne püüi dang ne vai ci.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

EZEKIEL 47:1

Cun ah chang naw Taigüim ung luh nak täng ah na ng’hlah püi ba ci. Tui cu luh nak ah ungka naw ak kyang täng ah, Taigüim ak kyang ah hmai täng ah long ci. Cun cu Taigüim ah a htumtäng ka ung long law ne, sonkiang ah a htumtäng cu yuk kan ci.

SAM 147:3

Ani naw am lung kyong di ci gui cu gai sak gui ne, ami leim cu hlawp pe gui ci.

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.

JEREMIAH 17:14

Bawipa, na k’pün ä, kei akcang ah ka gai khai nei; na gung ä, kei akbe ah ka phyawng khai nei. Nang cu kei ah ning m’hlüngtai tumat ah na kyak ci nei!

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

ZEKHARIAH 14:8

Cun ah hnüüp a gawk law ung tui akci cu Jerusalem ungka long lawk khai, a teih cu Tuisi Tuinu ung yu kyum khai, a teih cu Mediteranean tuinu ung yu kyum khai. Cun ah tuinu cu a kum pum ung a htui a cha ung long khai.