THU PHLAAN 22:1 - Cho Bible Common Language 2016

¹ Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

THU PHLAAN 22:1 Referans Kwoze

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

ZEKHARIAH 14:8

Cun ah hnüüp a gawk law ung tui akci cu Jerusalem ungka long lawk khai, a teih cu Tuisi Tuinu ung yu kyum khai, a teih cu Mediteranean tuinu ung yu kyum khai. Cun ah tuinu cu a kum pum ung a htui a cha ung long khai.

SAM 46:4

Tuinu tumat om ba ci, Cun ah tuinu naw Khanpughi ah mang gaw, a hlüngtai säih ah im theing ung yeikyai nak law püi ci.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

ISAIAH 41:18

Kei naw ng’yung makde ung tuinu gui lon sak ne, khong’nawi gui ung tuihta gui ka lon sak khai. Kei naw khong’gau kho cu tui k’büm guiah ng’lat sak ne, khokde khaw ung tui ka lon sak khai.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

THU PHLAAN 21:11

Cun ah mang gaw cu Khanpughi ah bämang nak awn pyü ciah lung, vai ng’mo ah mäih ah ng’shü ne khang ci.

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.

THU PHLAAN 5:13

Cun kawn ah khankho, khomdek, khomdek ah kaa la tuinu ung la khaw ah kaa, m’dek ah khan ung om ciah akghing ak’om nici naw; “Mang kiang ung ngok ciah Bawimang la Htomehta cu, M’kümtou nak, chang m’sui nak, bämang nak, hlüngtai nak, cu ng’shon päng ung om sä” cine ng’äi ami m’cu cu ka ng’yak ci.

ISAIAH 48:18

“Nangmi naw kei ah thumkhän bäng nami ngaih ah a kyak vaisü ung! Hriham gui cu kä kawi hlawt ciah tui ah mäih ah nami khan ah long khai süte nei! Näng nak cun phi tuikem ah gawk lawk ciah tui hnawk ah mäih ah nangmi ung gawk lawk khai nei.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

ISAIAH 66:12

Bawipa naw pyen ci, “Kei naw kä ng’pyi hlawt ciah bühmang nak cu ka ning thak law gui khai nei; kä kawi hlawt ciah tuinu ah mäih ah chang pakhui gui ah khawh chan cu nangmi ung long lawk khai nei. Nangmi cu, anu naw m’hni ne, a kut awn k’pawnm ne, am htei htang ah a hmaw hta ah mäih ah nami kyak khai nei.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

THU PHLAAN 21:9

Leigaai mawng chih awn be ciah eikbei chih kawt ciah khankho chang pachih ungka tumat cu kei ah law netah, “Law ä, Htomehta ah k’chu vai ah ng’laamihta cu ka ning m’hnuh khai nei” ci ne pyein ci.

THU PHLAAN 22:6

Cun kawn ah khankho chang naw kei-am, “Shin ah ng’thu cu ng’düng ne ng’ciim ciah ng’thu ah kyak ci. Purofet gui cu ang mumcha awn be sak gui ciah Khanpughi naw kä shou pha sei kia lawk khai ah a mawng gui cu, ak chang gui-am m’dang gui khai ah, khankho chang cu tüi law pyi ci nei” cine pyein ci.

JOHAN 13:32

Khanpughi naw abämang nak cu chang ah Htapa ung ang dang sak kawn ah chang ah Htapa ah bämang nak phi amät naw dang sak khai, atuhbäi acun cu bi law ge khai.