THU PHLAAN 21:8 - Cho Bible Common Language 2016

⁸ Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

THU PHLAAN 21:8 Referans Kwoze

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

NG'THU K'THUUK~ 19:9

Yung ah m’kawt ung a hleei pyen cicu m’kyuk nak ka phyawn nak khai, Ani cu ng’yiin khai.

1 JOHAN 3:15

A phäi nau thüi nak ciah chang cu chang ngawn ciah kyak ci, Chang ngawn ciah chang naw angtäi ghin nak kä gah hlawt khai cicu nami hmat ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

THU PHLAAN 9:21

Chang ami ngawn nak, ami ng’pluhkheih nak, ami m’guuk nak, ami plet nak ah phäh ah phi kä ng’yu ba ci gui.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

NG'THU K'THUUK~ 19:5

Nang cu yung ah m’kawt ung na hleei na pyen ung m’kyuk nak na gah khai. M’hlawt nak ka om khai.

THULÄÄN NAK 20:8

“Bawi gui naw chang gui ami pyen nak ba gui vai cu, shin ung a lu hnga ng’lat sei kyik ciah chang om ne ang? A om ah a kyak ung ani cu a im ah hteit ba sä. Kä cun ung ani naw chang hei gui ah m’lung hnga cu m’di gui khai nei.

1 JOHAN 2:22

Cun ah kyasei, hleeihlak ciah chang cu a u ang? Bawi Jesuh cu Messiah ah kä kyak ci, cik ciah chang cu hleeihlak ciah kyak ci. Cun ah chang cu Bawi Khrit ah Gaa ah kyak ci — ani cu Apa la A hta ani nik hnih hnu ng’tuk püi ciah kyak ci.

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

1 JOHAN 5:10

Khanpughi ah Htapa yum ciah chang phung naw shin ah saksi cu am lung kyong ung shum ci. Cun ung phi Khanpughi kä yum ci läi cu, Khanpughi naw A Htapa ah mawng a pyeinsak cu kä yum ci kya ne, Khanpughi hleeihlak ciah mäih ah ng’lat sak ciah chang ah kiak ci.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

SUKI GUI 7:3

Chang gui ah ma ah na ng’shäu vai, ‘A u phi kyik ci läi cu a im ah ng’hlat ba sä, mikmi cu shin ah m’htung Kilead ung mi om khai nei” cik ci. Cun ah kiasei phia, phya-m’ku lei-goi ng’hlat ba ci gui, phia gha om shut ci gui.

THU PHLAAN 2:2

Nang ah bilawh cu ka hmat ci, nang naw a i hlawk ah nak tha nak, a i hlawk ah na ling k’tha la hniimgei nak a om cu kei naw ka hmat ci. Nang naw changshe gui kä na hniim gei nak gui hlawt la ang düihpüi ah kä kya lang ne, ana ng’düihpüi nei cik ci gui ah chang gui cu, ami hleeihlak dang khai ah nami k’tä gui cun phi kei naw ka hmat ci.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

2 THESSALONIAN 2:9

Cun ah akshekha säih cu Satan ah hlüngtai nak awn law ne, ak cang ah kä kyak ciah cäicat gui vai la cäi aih gui vai cu m’dang khai nei.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

THU PHLAAN 9:17

Ka mang ung ka hmuh ah cun ah ng’se ng’cum ci gui ah ami awi k’bah ah shawiphaw gui cu, ak’ai amkim ah mei ah mäih ah sen ne yüi ci gui. Ng’se gui ah ami lu cu phongkawng ah lu ah mäih lawk ci, ami m’gawng ung mei k’däi, meikhu la ami m’äm gui lut lawk ci.

THU PHLAAN 14:10

Khanpughi ah m’lungshe nak ah khap ung kaa, nuipi ciah am lungshe nak ah kyak ciah sapyit tui cu awk khai nei. Cun awk ciah chang cu theing ciim ciah khankho chang la Htomehta ah maa ah yaam mei awn huut ne dukdeiu nak gah khai gui nei.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

MATTHE 25:25

Kei naw ning kyih netah na ghui cu m’dek co ne kak phuh ci nei, teng ä, shin ung na ghui om ci nei’ cik ci!