THU PHLAAN 21:7 - Cho Bible Common Language 2016

⁷ Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

THU PHLAAN 21:7 Referans Kwoze

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

HEBRU 8:10

Ngawi ah Israel chang gui awn ka bi vai ah thukhän läi cu, “Kei naw ka thukhän cu ngami ah m’lung ung thun ne, Ami m’lung ung ka guk khai. Kei cu ngami ah Khanpughi ah ka kyak khai, Ngahmi cu kei ah chang ah kyak khai gui.

THU PHLAAN 21:3

Cun kawn ah mangkiaang ungka ng’shan sei m’lau ah k’aw cu ka ng’yak ci. Cun ah k’aw naw, “Tuhbäi ung Khanpughi ah im cu hnicim chang ah im ah kyak ci. Ani cu ngami ung om sei ngami cu ani ah chang ah kyak ci gui. Khanpughi amät cu ngami awn atäng ah om ne, ngami ah Khanpughi ah kyak khai nei.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

ZEKHARIAH 8:8

Jerusalem ung om ba khai gui ah akhei, ak kyang ung ah ka law püi ba gui khai nei. Ngami cu ka chang ah kyak khai gui, kei cu ngami ah Khanpughi ah ka kyak khai, Bekhüt nak la taga nak awn ka uk gui khai.

NG'THU K'THUUK~ 3:35

Cüivai ciah chang naw m’tam khah nak ah pakhui cu m’düng khai, cun ung phi chang shekha naw amät ah thui ng’aa nak hteh püi khai.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

THU PHLAAN 2:25

Kei kä ka law pha ah chuih nami kut ung om ci cu, htek sei nami shum vai.

MAKUH 10:17

Bawipa Jesuh cu a hei lam ung hteit khai ah a pawng yah ung chang tumat cu a pei ah law ne, m’khukdong netah, “Nik ciah sayapa, angtäi ghin nak ka gah vai ah a i ang ka bi kaw?” cine ng’shik ci.

ISAIAH 65:9

Judah pakhui ah kyak ciah Israel gui cu kei naw hriham ka pe gui khai, ngami ah ani hta ng’shon gui naw, kei ah khongui khaw cu ka nak khai gui. Kei ah ka ghü ah chang gui, kei ah ka khut bik ci gui cu, a cun ung om khai gui.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

2 SAMUEL 7:14

Kei cu ani ah pa ah ka kyak khai, ani cu kei ah hta ah kyak khai. Ani hma nak abi ung apa naw a hta am kyuk ah mäih ah kei naw ka m’kyuk khai.

SAM 89:26

Ani naw kei ah ma ah, ‘Nang cu ka pa la ka Khanpughi; ka ng’zi nak la ka hunbawi ah na kyak ci’ cik khai nei.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

ROMAN 8:14

Khanpughi ah Mumcha ah lam shüm nak läk ciah chang cu Khanpughi ah Hta ah kyak ci.

ROMAN 8:19

Khanpughi naw a hta gui am, am dang gui vai ah amawng gui cu, a tüi pyan avan naw ang htei ah ging co ci gui.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.