THU PHLAAN 21:3 - Cho Bible Common Language 2016

³ Cun kawn ah mangkiaang ungka ng’shan sei m’lau ah k’aw cu ka ng’yak ci. Cun ah k’aw naw, “Tuhbäi ung Khanpughi ah im cu hnicim chang ah im ah kyak ci. Ani cu ngami ung om sei ngami cu ani ah chang ah kyak ci gui. Khanpughi amät cu ngami awn atäng ah om ne, ngami ah Khanpughi ah kyak khai nei.

THU PHLAAN 21:3 Referans Kwoze

EZEKIEL 37:27

Kei cu ngami awn atäng ah acu ah ka om khai: kei cu ngami ah Khanpughi ah ka kyak khai, ngami cu kei ah chang ah kyak khai gui.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

ZEKHARIAH 8:8

Jerusalem ung om ba khai gui ah akhei, ak kyang ung ah ka law püi ba gui khai nei. Ngami cu ka chang ah kyak khai gui, kei cu ngami ah Khanpughi ah ka kyak khai, Bekhüt nak la taga nak awn ka uk gui khai.

HEBRU 8:10

Ngawi ah Israel chang gui awn ka bi vai ah thukhän läi cu, “Kei naw ka thukhän cu ngami ah m’lung ung thun ne, Ami m’lung ung ka guk khai. Kei cu ngami ah Khanpughi ah ka kyak khai, Ngahmi cu kei ah chang ah kyak khai gui.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

JEREMIAH 32:38

Ngami cu kei ah chang ah kyak khai gui, kei cu ngami ah Khanpughi ah ka kyak khai.

THU PHLAAN 7:15

Cun ah kyasei ngami cu Khanpughi ah mangkiaang ah maa ah ng’düi u ne, amü ak hnüüp pum im kyong ah om ne khawihnah ci gui. Mangkiaang ung ngok ci naw ngami cu ngung gui ne, küikyaan gui ci.

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

THU PHLAAN 12:10

Cun kawn ah khanmawpi ah ng’shan ciah k’aw naw, “Tuhbäi Khanpughi ah hun nak cu gawk law pyi ci nei! Tuhbäi Khanpughi naw Ghangpughang ah a kyak ah mawng dang sak pyi ci nei! Tuhbäi a Messiah naw a huham dang sak pyi ci nei! Mi Khanpughi ah maa ah ng’düi netah, amü ak hnüüp mi phäi nau gui shetkat sak gui ci cu khankho ah kaa k’täm pyi ci gui nei.

EZEKIEL 43:7

“Hnicim chang, shin cu kei ah mangkiang nei. Kei cu shin ung Israel chang gui ah ng’lung ah ka om khai, angtäi sei ka uk gui khai. Israel chang gui, käcung ami ghangpughang gui naw a hei khanpughi gui ami khawihnah nak la shin ah hmun ung ami ghangpughang gui ah gook gui ami phuh nak awn, kei ah theingcim ciah ming cu ka thui aa ba sak khai gui.

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

2 SHONTÄP NAK 6:18

“Cun ung phi, O Khanpughi, khomdek khan ah hniciim chang gui ah ng’lung ah akcang ah na om hning khai ang? Khankho avan phi nang ah om nak büh vai ah kä ang shawng ah a kyak ung, kei ah cawh ah shin ah Taigüim cu a i hawkcha ah ng’shawng khai aw?

THU PHLAAN 10:8

Khankho ah ng’thu sei ka ng’yak ah k’aw naw kei-am, “Hteit ne tuinu la khomdek ung ng’leh ne ng’düi ciah, khankho chang ah kut ung k’phiaat ah ca k’chaw cu na lak vai nei” cine pyein ci.

THU PHLAAN 10:4

Cun ah ng’hmumkyeek ciah ng’thu cu ka guk khai ah pawng ngätah, “kä na guk-en vai nei, chih vei ng’hmumkyeek ciah ng’thu cu na m’yih vai nei” ciah khankho ah k’aw cu ka ng’yak ci.

PHYAWN NAK 25:8

Chang gui naw phuung theing ami na cawh pek vai, cun ung ami ng’lung ah kei ka om khai.

PHYAWN NAK 29:45

Kei cu Israel chang gui ah ng’lung ah ka om khai. Kei cu ami na Khanpughi ah ka kyak khai.

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

1 THESSALONIAN 3:11

Mipa Khanpughi la Bawipa Jesuh Khrit naw, nangmi ah om nak ah kami law nak vai ah lam cu na pyan pe gui sä.

HEBRU 8:2

Bawipa cu a theingcim nak säih ung Taigü Tung ah kya ne bi bik ci, cun ah hmun cu chang ah cawh ah kä kyak ci, Khanpughi ah pian ah phung akcang ah kyak ci.

THU PHLAAN 22:3

Khanpughi ah m’shetkat nak gah ci phung cu api ah phi cun ah mang gaw ung kä hmuh vai nei. Khanpughi la Htomehta ah mangkiaang cu cun ah mang gaw ung om sei, ak chang gui naw khawihnah khai gui nei.