THU PHLAAN 21:21 - Cho Bible Common Language 2016

²¹ M’Kawt tumat cu yapi ng’mo tumat awn ami pyan ah kya ne, m’kawt gha-lei-goi ung yapi ng’mo gha-lei-goi lawk ci. Mang gaw ah lam gui cun phi ghui bäng ah kya ne püüi dang ne vai ci.

THU PHLAAN 21:21 Referans Kwoze

THU PHLAAN 21:18

Cun ah k’pang cu k’tolung pyü ci awn ami cawih ah kyak ci, mang gaw cu püüi dang ne vai khai ah ghui bäng awn ami cawih ah kyak ci.

THU PHLAAN 17:4

Hnumi nu cu asen la akshon ah kyak ciah sui cu sui ne, ghui ni, ng’mo ni, k’cünglung mi gui cu awi ci. Ani cu pletbeng nak ah kiak ciah m’shemshai nak awn be ciah ghui khap cu kawt ci.

THU PHLAAN 22:2

Cun ah tuinu ah tuikam vang veing ung ghin nak ah sing ghing om ci. Cun ah sing cu cha ät ung hnü ät m’theih ne, kum ät ung gha lei-goi vei m’theih ci. Cun ah hnah gui cu chang avan ah gai nak vai ah kyak ci.

THU PHLAAN 18:16

“Shin ah mang gaw ah hmawk ah cäi aih vai, thüi aih vai, kiak ci nei; Ani cu k’phla sui, ng’hlo sui, pää sui gui sui ne ghui, ng’mo la k’cünglung gui cu awi man ci nei.

1 GHANGPUGHANG GUI 6:20

Cun ah akyong täng akhan cu ang ng’shäi dawng m’ku, ang shawng dawng m’ku, a hlüng dawng m’ku lawk ci, ghui bäng awn avan ami vook ah kyak ci. Sonkiang cu cedar k’pen awn pyang ci gui.

THU PHLAAN 4:6

Acun ah mang kiaang ah maa ung pyüülung ah mäih ah vai ci cu om ci. Mang kiaang ah ng’veing ak kit päng ung khiküi paphli om ci. Cun gui cu ami hnu ami maa ah mik bäng ah kya ci gui.

THU PHLAAN 21:15

Kei nang thu püi ciah khankho chang ah kut ung mang gaw ni, mang gaw m’kawt gui ni, la mang gaw päng gui nüt nak vai ah ghui ng’mui pum om ci.