THU PHLAAN 21:12 - Cho Bible Common Language 2016

¹² Cun ah mang gaw chaam nak cu hlüngtai aih ne, m’kawt gha-lei-goi om ci. Cun ah m’kawt gui cu khankho chang gha-lei-goi naw ngäng u sei, m’kawt päng ah khan ah Israel pakhui gha-lei-goi ah ming cu guk ci gui.

THU PHLAAN 21:12 Referans Kwoze

THU PHLAAN 21:25

Mang gaw m’kawt gui cu hnüüp pum hmawngkhai gui. Cun ah mang gaw ah khaw amü nak kä om ci kyasei m’kawt cu a i yah ung phi kä khaai khai gui.

ISAIAH 54:12

Kei naw nang ah tänghän gui cu ghui lung awn, na m’kawt gui cu m’liu lung gui awn ka co khai nei.

SAM 122:7

Na pang ah kyong ah dimdeeih nak om sä, na mang im kyong ah phyawn nak om sä.”

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

SAM 51:18

O Khanpughi, Zion mang gaw cu m’gein ne m’hteihtang ä; Jerusalem mang gaw pang cu tah ne thong ba ä.

NEHEMIAH 12:27

Jerusalem mang gaw pang ap nak ung Levit gui cu ami om nak päng ungka naw law püi gui ci gui, cun ah kyasei ngami naw ng’ap nak ah pawi ung m’hlüng nak ah ng’äi gui m’cu ne htingsheei tingtäng tum ne yeikyai ci gui.

LAMKTU 26:7

Cun ah shaitaak cu Judah pakhui gha-lei-goi naw, amü ak hnüüp Khanpughi ah taigü ne, ami ngaih u ah kyak ci. Ka ghangpughang! Acun ah kei naw ngaih u ne ka om ah hmawk ah Judah chang gui naw kat ami na k’sung ah kya ci nei.

EZRA 9:9

Keimi khleihtein ah kami kyak ci. Cun ung phi nang naw khleihteinung kä na na nawng gui ci. Persia ghangpughang gui naw na hmai kyang na gui khai gui ah nang naw na bik ci. Ghing ne hteh ba sak gui ne, didap ciah na Taigüim na na cawh ba sak gui ci. Shin ah Judah la Jerusalem ung phyawng ne om vai ah na na m’htei gui ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

PHYAWN NAK 28:21

Shin ah lung gha lei goi ung tumat ciah khan ah vüt ne, Jakob ah hta chang gha lei goi ah ming cu tumat ciah guk vai. A cun naw Israel pakhui gha lei goi cu dang sak ci.

THU PHLAAN 21:13

Hni law lam ah m’kawt thum, hni kiaak lam ah m’kawt thum, htum lam ah m’kawt thum, siip lam ah m’kawt thum om ci.

THU PHLAAN 21:15

Kei nang thu püi ciah khankho chang ah kut ung mang gaw ni, mang gaw m’kawt gui ni, la mang gaw päng gui nüt nak vai ah ghui ng’mui pum om ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

2 SHONTÄP NAK 9:19

Phongkawng ah gup gha lei goi cu ng’leh khän päng ung om ci, ng’leh khän tumat ah vang ah vei ci ung om ci. Shin ah mäih ah mangkiang cu a hei a i uktu khaw ung phi kä om man ci.