THU PHLAAN 21:10 - Cho Bible Common Language 2016

¹⁰ Ani naw mümcha awn kei cu ang htei ah hlüng ciah khomhtung khan ah na hteh püi netah, Khanpughi ah khanmawpi ah kaa kyum lawk ciah theingciim ciah Jerusalem mang gaw thai cu nam hnuh ci.

THU PHLAAN 21:10 Referans Kwoze

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

EZEKIEL 11:24

Muimang ung khanpughi ah mumcha naw na chang ne omktu gui ah om nak Babilonia ah na hteh püi ba ci. Cun kawn ah muimang cu ng’kawn lawk ci,

THU PHLAAN 17:3

Cun kawn ah khankho chang naw mumcha awn kei cu bung ah na hteh püi ci. A cu ah khiküi asen ung ngok ciah hnumi nu cu ka hmuk ci. Cun ah khiküi ah pum avan ung Khanpughi ah thang shetsak ciah ming cu be ne ng’guk ci, khiküi cu alu chih law ne aki ghaa lawk ci.

THU PHLAAN 1:10

Bawipa khawihnah nak hnüüp ung Mumcha cu kei ah khan ah kyum law khätah, k’phyungheng tum ah mäih ah ng’thu k’aw cu ka hnu lam ah ng’shan law sei ka ng’yak ci.

LAMKTU 8:39

Ngah ni cu tui ung ka, ani kai law ba vai am, Khanpughi ah Mumcha Theing naw Philip cu, a khaw hei ah hteh püi sei cunah Bawi naw Philip cu kä hmuh ba ci. Cun ung phi ani cu yeikyai neh lam hteit ba ci.

EZEKIEL 11:1

Khanpughi ah mumcha naw kei cu na chang ne, Taigüim ah ak kyang täng m’kawt nung na hteh püi ci. A cu ah m’kawt ah pei ung chang m’ku lei hma ka hmuk ci, a cu gui cu pakhui ung angvai goi Azzur hta Jaazaniah la Benaiah hta Pelatiah mah mah ah kyak ci gui.

EZEKIEL 8:3

Ani naw kut ah mäih lawk cicu shäng ne, ka lusam cu na shum ci. Shin ah mui man gung khanpughi ah mumcha naw kei cu khokhi ung ak hlüng ah na Chang neta Jerusalem ah na hteh püi ci. Ani naw kei cu Taigüim a siiptäng m’kawt valuh nak ung na hteh püi ci, a cun ung khanpughi naw kä a teng hlü ah a gup om ci.

THU PHLAAN 4:2

Kei naw ka ng’yak htük ah phyungheng ah ng’gin ah mäih ah ng’ging ciah k’aw naw”, shin ung law ä, ngawi ah ng’dang lawk khai gui ah a mawng cu ka ning hmuh sak khai” cine pyein ci. A cun vai-am Mumcha cu kei ah khan ah gawk lawk ci. Khanmawpi ah mang kiaang tumat om ci, Cun ah kiaang ung mang tumat ngok ci.

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

2 GHANGPUGHANG GUI 2:16

ami pyen cu, “Shin ung chang hmakip kami om ci, avan cu ak gai yah gui nei. Hteit ne nang ah bawi cu kami shui ba khai nei. Bawipa ah mümcha naw a chaan ah kyak khai nei, khomhtung khongnawi yung ah nawng shüt khai nei. Elisha naw, “Kaa, kä nami hteh vai nei” cik ci.

KALATIAN 4:26

Cun ung phi Khanmawpi ah Jerusalem cu, ng’päiye nak ah kya ne, mi nu ah kyak ci.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.