THU PHLAAN 20:9 - Cho Bible Common Language 2016

⁹ Ngami cu khomdek khan avan ung püi u ne, Khanpughi ah chang gui ah ng’düm hmun la ani ah m’hni ah mang gaw cu khaai yawp ci gui. Cun ung phi khankho ah kaa meidäi kya law ne, ngami cu ui gui yawp ci.

THU PHLAAN 20:9 Referans Kwoze

EZEKIEL 38:16

Nang naw ka chang gui Israel gui cu püikhokhi ne khaw ung anglam ah mäih ah na tu lawk khai. Cun khin a gawk law ung, kei a u cicu changpakhui gui am m’dang nak vai la nang ung ka bi awn kei ah ka theingcim nak cu m’dang nak vai ah, kei naw nang cu ka khaw na tuk khai ah ka ning tüi khai.

EZEKIEL 39:6

Kei naw Makok ah khaw la a i naw kä tüihtok sei chang gui naw ami om nak ah tuikem avan cu mei awn ka m’khih khai, cun ung chang nü naw kei cu Bawipa ah na hmat khai.

EZEKIEL 38:22

Kei naw ani cu gawpyam nak la silon nak awn ka m’kyuk khai. Ani la agakap gui, ani täng ah kya tuk ciah pakhui akda gui ah khan ah khoaa nu la gäinu, ah kyak ciah zummei däi la sulphur cu ka yuk lawn khai.

EZEKIEL 38:9

Ani la a gakap gui, ani awn atäng ah om ciah changpakhui gui naw puikhokhi ah mäih ah tu u ne, khaw avan cu khongmei ah mäih ah küm khai gui.”

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

SAM 106:18

Läk law tu gui ci gui ah khan ah mei cu kya law ne, cun ah changshe gui cu ui gui ci.

SAM 97:3

Mei däi cu ama ah hteit ne, a pei leng ah a ga gui cu ui gui ci.

THU PHLAAN 13:13

Akhnih nak ah khiküi naw küikyang ciah cäi aih vai gui m’dang ci. Chang gui ah maa ah khankho ah kaa mei cu khomdek khan ah kiak law sak ci.

THU PHLAAN 11:5

Ngami cu plawsheh law gui ci a om ah a kyak ung, ami m’gawng ung mei lut law ne ami gaa gui cu m’khih yawp ci. Acun ah mäih ah ngami ci gui khai ah k’tha nak ci phung cu ngawn ghäm ghäm ci gui.

LUKA 17:29

Sodom ungka Lotah ang düih law hnüüp ung khankho ah kaa yam mei kho aa law sei, chang gui avan dimaih yawp ci gui.

LUKA 9:54

Cun gui cu ang düihpüi James la Johan naw hmu ni netah, “Bawipa, Khankho ah kaa, mei k’däi kya law ne a uih gui vai ah, nang ng’yäk hlü om ne ang?” cine ng’shik ci goi.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

KHEI NAK 11:1

Chang gui naw ami yaica nak ah mawng pyen ne Bawipa ah ma ah chiu m’da ci gui. Cun cu Bawipa naw ng’ya neta, m’lungshe ne, chang gui ah khan ah mei yuk chah lawk ci. Cun ah mei naw ui gui ne, shaum pigaw ah vangtäng a mawng cu m’di ci.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

MIKHAH 2:13

Bawipa naw lam pyan pe gui ne, omktu khaw ah ka lam shüm ba gui khai. Ngami naw mang m’kawt cu gäi ne hmawng ne, lut lawk khai gui. Ami ghangpughang Bawipa amät naw lam shüm gui khai.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

2 GHANGPUGHANG GUI 6:15

A ngawi ung khongawi hta Elisha ah changshäm cu tho law ne, im ah k’pung ah hteit neta, ng’se gui, yatha gui awn gawnu koi ciah Sirian gakap gui cu hmu gui ci. Ani cu Elisha ah law ba neta pyen ci “Mikmi cu mi ng’yiin pyi ci nei, a i ah mi kyak khai ang?”

ATÜNNAK 19:24

Bawipa naw Sodom la Komorrah ah khan ah yam mei k’däi cu khaw ah yuk aa sak ci.

LUKA 21:20

Jerusalem cu gakap gui naw ngäng u sei nami hmuh ung adi law nak vai ng’et lawk ciah nami hmat vai.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

THULÄÄN NAK 23:14

Nami phung cu nami theingthap sak vai, a i ah kyasei ci ung Bawipa nami Khanpughi cu nangmi awn a täng ah nami shaum pigaw ung om ci, ning shungvong gui ci, nami ga gui ah khan ah näng nak ning pe gui ci. Bawipa nangmi ungka a ning hlah tak gui vai ah kyak sak ciah kä ninum cicu kä nami bi phung vai.

SAM 87:2

Israel khaw hmun avan ung Jerusalem mang gaw cu ani naw m’hni pi ci.

JOB 38:18

Khomdek a i teih ah däm ci, cicu na ngaih-tüh man naw? Na hmat ah a kyak ung na m’hlan ä.