THU PHLAAN 20:8 - Cho Bible Common Language 2016

⁸ m’dek ah khan ung chang avan cu cheishoh sak ne, kok la Makok ah ming ciah ng’tuk bi vai ah ng’cut sak gui khai. Ngami cu tuinu kem ah laigin chü ah da ci gui.

THU PHLAAN 20:8 Referans Kwoze

THU PHLAAN 16:14

Ngami cu khawshe ah mümcha gui ah kya ne cäi aih vai phi m’dang hning ci gui. Khaw nüng ung ghangpughang päng cu, hlüngtai pibäih ciah Khanpughi ah ng’tuk bi nak hnüüp ung ng’cut lawk khai gui ah khü gui vai ah ngami cu hteit ci gui.

EZEKIEL 38:1

Bawipa naw na ng’thu püi ci,

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

THU PHLAAN 20:3

Khankho chang naw shawk cu m’htei lungkhui ung yuk chah netah, khokum phiaa ghaa ang pyi güt ung chang gui kä ah cheishoh-en sak gui hlawt vai ah m’hnüt ne choh awn khai shi ci. Khokum phiaa ghaa ang pyi kawn ah ani cu a shäng hta k’hmawn tu ba khai.

HEBRU 11:12

Abraham cu ak si ah mäih ah a kyak te ung phi, ani ah hta ng’shon gui cu, Khankho mik ah aisi chü ah mäih, tuinu kem ah käk khei tai vai ah laigin chü ah mäih ah da ci nei.

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

ISAIAH 10:22

Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

EZEKIEL 7:2

“Hnicim chang, shin cu kei, uktu Bawipa naw Israel khaw am ka pyen nak nei: Shin cu khaw avan ang pyi nak ah kyak ci nei!

EZEKIEL 38:2

ani naw pyen ci, “Hnicim chang, Makok khaw ung Meshek la Tubala ah pakhui khaw ah uktu ng’vaipi ah kyak ciah Kok cu m’shukcha ä. M’shuk cha ä,

EZEKIEL 39:1

Uktu Bawipa naw pyen ci, “Hnicim chang, Meshek la Tubala pakhui gui ah uktu angvaipi ah kyak ciah Kod cu m’shukcha ä, kei cu ani ah ga ah ka kyak cu m’thein ä.

EZEKIEL 39:6

Kei naw Makok ah khaw la a i naw kä tüihtok sei chang gui naw ami om nak ah tuikem avan cu mei awn ka m’khih khai, cun ung chang nü naw kei cu Bawipa ah na hmat khai.

THU PHLAAN 7:1

Cun kawn ah khankho chang paphli cu khomdek khocawi akit phli ung ng’düi u sei ka hmu gui ci. Ngami naw m’dek khan, tuinu ah khan la singghing gui cun phi khawkhi naw kä yon hlawt khai ah k’pang ci gui.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

2 SHONTÄP NAK 18:21

Mümcha naw m’shang ne, “Kei hteit ne Ahab ah prophet gui avan hleei ne ka m’thein gui khai” cik ci. Bawipa naw, “Hteit ne m’hleei ä, na näng khai nei” cik ci.