THU PHLAAN 20:12 - Cho Bible Common Language 2016

¹² Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

THU PHLAAN 20:12 Referans Kwoze

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

THU PHLAAN 22:12

Bawipa Jesuh naw, “Ngai vä, kei ka kyum law ge ci nei. Chang gui-am ami mät ah bi ah ciah peit gui vai ah m’cümhnah nak cu ka law püi khai nei.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

THU PHLAAN 11:18

Na m’lungshe nak ah a khin cu gawk law ne, Si pyi ci gui m’khoichaa nak ah akhin cun phi gawk law sei, m’dek chang gui cu m’lungshe ci gui nei. Bawipa ah akchangshäm gui, purofet gui, nak chang gui la ning kyih aa ci gui naw, a yaw a däm ah ciah, m’cümhnah nak ami gah nak vai ah khin gawk lawk ci nei. Khomdek shekat sak ciah chang gui, m’shet m’kat nak gui vai ah, a khin gawk lawk ci nei” ci ne Khanpughi ah maa ah ng’thu pyein ci gui.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

THU PHLAAN 20:13

Tuinu naw ani ung om ciah aksi gui cu ap lawk ci. Sik nak la sihnak ah khaw naw phi ngami ung om ciah aksi gui cu ap lawk ci gui. Aksi gui ami van cu ami mät ah bilawh a ciah m’khoichaa nak gah ci gui.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

SAM 28:4

Ami bi pyi gui ah hmawk la ami chei ah katnak ah hmawk ah m’shet gui ä. Ami om ih ah ciah m’kat gui ne, ami bilawh ah ciah thung gui ä.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

THU PHLAAN 19:5

Cun kawn ah mangkiaang ung ka lut lawk ciah k’aw naw, “Khanpughi ah a shäm gui la ak chang gui avan, Khanpughi kyih aa ciah ak hmaw ang vai avan naw Khanpughi cu m’kümto vä” cine pyein ci.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

LUKA 10:20

A i gaa phi nami khan ah gawk lawk khai, cun ung phi khoshe nami m’khüt näng ah phäh ah kä yeikyai vä, khankho ah nami ming guk pyi ah phäh ah yeikyai vä” cik ci.

NG'THU K'THUUK~ 24:12

Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

ROMAN 2:6

A cu hnüüp ung Khanpughi naw chang nüng nüng cu amät ah bi lawh a ciah, m’khoichaa nak pek khai.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.

THU PHLAAN 17:8

Cun ah khiküi cu, ayan a ghin te ung phi tuhbäi kä ghing ba ci nei. Ani cu m’hteilung khui ungka lut law netah, m’di nak gah lawk khai nei. Khomdek khan kä a tüisho pha ge ung, ghin nak cauk ung ami ming kä guk tu ah khomdek chang gui naw, cun ah khiküi ami hmuh ah a kyak ung cäicat khai gui nei. Ani cu ayan ghing te ci, tuhbäi kä ghing ba ci, cun ung phi ghing ne dang law ba khai.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

NG'THU K'THUUK~ 24:29

“Kei ah khan ah a bi ah mäih ah ani ah khan ah ka bi tuba khai, a bi ah mäiha ah ka thung ba khai” cine kä na pyen vai.

SAM 69:28

Ghin nak ca uk ung ka, ami ming cu, phiet gui ä; Na chang gui ung kä ng’käng-en tu u sä.

MATTHE 11:22

Cun ung phi Khanpughi naw am khoichaa law nak ah hnüüp ung, nangmi cu, Tire la Sidon ah mä däm pi ciah, hma m’kat nak cu nami gah khai.

THU PHLAAN 20:15

Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.