THU PHLAAN 20:11 - Cho Bible Common Language 2016

¹¹ Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

THU PHLAAN 20:11 Referans Kwoze

THU PHLAAN 21:1

Cun kawn ah khamkhaw thai la khomdek thai cu ka hmuk ci. Zän nä khankho la khomdek cu maih pyi ci. Tuinu phi kä om ba ci.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

MATTHE 24:35

Khankho la khomdek a maih ung phi kei ah thu cu kä maih khai nei.

THU PHLAAN 16:20

Ng’lei avan piawn ne m’htung avan maih ci.

THU PHLAAN 6:14

Khankho mik cu ca k’chaw ah mäih ah ng’chaw ne maih ci. Mhtung küi la khawgui avan phi ami om nak ungka ng’nawn yawp ci gui.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

THU PHLAAN 12:8

Cun ung phi shawk la ak khanchang gui cu m’khüt gui u sei, khankho ah kä om tuba ci gui.

SAM 97:2

Kho ng’mei la khomü naw ani cu koi ci; Ani naw düng nak la müi nak awn uk ci nei.

SAM 89:14

Na uknak khaw cu düngnak la ng’müi nak ung na k’süm ci nei; m’hni nak la bekhüt nak cu na bi nak phung ung dang ci nei.

SAM 47:8

Khanpughi cu amang kiang theing ung ngok ci, Chang pakhui avan cuk ci.

THU PHLAAN 4:2

Kei naw ka ng’yak htük ah phyungheng ah ng’gin ah mäih ah ng’ging ciah k’aw naw”, shin ung law ä, ngawi ah ng’dang lawk khai gui ah a mawng cu ka ning hmuh sak khai” cine pyein ci. A cun vai-am Mumcha cu kei ah khan ah gawk lawk ci. Khanmawpi ah mang kiaang tumat om ci, Cun ah kiaang ung mang tumat ngok ci.

JOB 9:6

Khanpughi naw shihpi thüng sak ne kho m’dek cu k’thüng ci; kho m’dek han dä ciah k’tung gui phi k’thüng ci.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

SAM 102:26

Ngami cu maih khai gui, cun ung phi nang cu na om lä khai; Ngami ami van cu sui kheei ah mäih ah kyak khai gui, Nang naw na ghawt gui ciah mäih ah kyak khai, Ngami cu a kholä ah kyak khai gui.

ISAIAH 6:1

Ghangpughang Uzziah asih kum ung, kei naw Bawipa ka hmuk ci. Ani cu hlüngtai ciah amang kiang ung ngok ci. Ani ah suinu naw Taigüim avan be sak ci.

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

MATTHE 11:22

Cun ung phi Khanpughi naw am khoichaa law nak ah hnüüp ung, nangmi cu, Tire la Sidon ah mä däm pi ciah, hma m’kat nak cu nami gah khai.

THU PHLAAN 21:5

Cun kawn ah mangkiaang ung ngok ci naw, “Tuhbäi ung a päng avan cu akthai ah ka pyang ba ci nei” cine pyein ci. Bawipa naw, “A shin ah ng’thu cu ng’düng ne yum vai ah kyak ci kyasei gu ne nami m’hnüt vai nei” cine pyein ci.