THU PHLAAN 20:10 - Cho Bible Common Language 2016

¹⁰ Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

THU PHLAAN 20:10 Referans Kwoze

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

THU PHLAAN 20:8

m’dek ah khan ung chang avan cu cheishoh sak ne, kok la Makok ah ming ciah ng’tuk bi vai ah ng’cut sak gui khai. Ngami cu tuinu kem ah laigin chü ah da ci gui.

THU PHLAAN 16:13

Cun kawn ah k’u ah mäih lawk ciah mümcha she pathum cu ka hmuk ci. Cun gui cu shawk, khiküi la purofet she gui ah m’gawng ungka lut lawk ci gui ah kyak ci.

DANIEL 7:11

Kei naw ka teng sangung a ki aläm cu ng’shei ne, chang k’om ne kya lä ci. Kei naw ka hmuh ge ah khiküi ak phli nak cu ngawn ci gui. A pumsa cu mei däi ung yuk shum ne m’di ci gui.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

THU PHLAAN 9:17

Ka mang ung ka hmuh ah cun ah ng’se ng’cum ci gui ah ami awi k’bah ah shawiphaw gui cu, ak’ai amkim ah mei ah mäih ah sen ne yüi ci gui. Ng’se gui ah ami lu cu phongkawng ah lu ah mäih lawk ci, ami m’gawng ung mei k’däi, meikhu la ami m’äm gui lut lawk ci.