THU PHLAAN 2:7 - Cho Bible Common Language 2016

⁷ “Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

THU PHLAAN 2:7 Referans Kwoze

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

MATTHE 11:15

Cun gui cu ak hnga om ci phung naw ngai ne ng’ya u sä.

THU PHLAAN 13:9

Akhnga om ci phung naw ngai ne ang yak vai nei!

MATTHE 13:43

Cun yah ung Khanpughi ah chang gui cu ami pa ah uknak kho ung, khohni ah mäih ah khang ne om khai gui. Ng’yak nak vai ah hnga om ci phung naw ng’ya sä,” cine m’thein gui ci.

MATTHE 13:9

Bawipa Jesuh naw akhnu ah, “Nami hnga a om ung ngai ne ng’yah vä,” cine kyak na gui ci.

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

LUKA 23:43

Bawipa Jesuh naw, “Kei naw thukhän ne ka pyein cu, atuh ngaw nang cu kei awn a täng ah paradise kho ah na om khai nei” cine pyen nak ci.

ATÜNNAK 2:9

Cun ah dum ung kyom ne, ei hlü vai ah m’theih ciah sing ghing a hlü hlü ghing sak ci. Dum ah ang lung ung ghin nak ah sing ghing phi om ci, akni la akshe m’chaa nak ah sing ghing phi om ci.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

MAKUH 7:15

Ak pung ah kaa chang ung lut ci naw, chang cu kä shetkat sak hlawt ci, chang ah puk kyong ungka lut lawk ci naw chang cu shetkat sak ci.

THU PHLAAN 22:2

Cun ah tuinu ah tuikam vang veing ung ghin nak ah sing ghing om ci. Cun ah sing cu cha ät ung hnü ät m’theih ne, kum ät ung gha lei-goi vei m’theih ci. Cun ah hnah gui cu chang avan ah gai nak vai ah kyak ci.

1 KORIN 2:10

Khanpughi naw mikmi am amät ah m’yih gui cu, Mumcha awn nam dang gui ci. Mumcha naw a päng avan bäng ah kä kyak ciah, Khanpughi ah thuuk ne ng’yih ciah ang bü nak gui cun phi shuilei ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

EZEKIEL 28:13

Nang cu Khanpughi ah dum Eden ung na om ci. Pyülung aming nü cu na awi ci: pyü lung, vailung, m’liulung, lelung, k’toulung, senlung, kyinglung, khing, lung gui cu na sui ci. Nang ah sui awi gui cu ghui ah kyak ci. Cun gui cu nang aning tüipian yah ge ung nang ah phäh ah a pyan ah kyak ci.

NG'THU K'THUUK~ 13:12

Ngaih u nak adi shum ung m’lung m’sin dishum ci. Cun ung phi ng’yak hlü akümbe ung yei nak om ci.

EZEKIEL 31:8

Khanpughi ah dum ungka cedar sing gui awn phi m’täng ne kä gah vai kyak ci. A i m’htai ghing gui ung phi cun ah mäih ang ban kä om ci, A i sing ghing ung phi cun ah mäih ang ban gui kä om c. Khanpughi amät ah dum ung phi cun ah mäih ah kiom ciah sing ghing kä om ci.

NG'THU K'THUUK~ 15:4

Ng’awigi ciah ng’thu naw ghin nak law pui ci. M’gak ciah ng’thu naw mümcha m’di ci.

THU PHLAAN 15:2

Cun kawn ah mei awn ng’caw ne k’tolung k’phlai nu ah mäih lawk ci cu ka hmuk ci. Khiküi ni, amät ah gup ni, ming khei nak khäm ci gui ni, ah khan ah näng nak gah ci gui cun phi ka hmu gui ci. Ngami cu Khanpughi ah peit gui ah tingtäu kawt u ne, ktoulung k’phlai ah mäih tuinu pei ah ng’düi ci gui.

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

NG'THU K'THUUK~ 3:18

Cüivai ciah chang gui cu yeikyai ci gui, cüivai nak naw ghin nak pe gui ci.

MAKUH 4:9

Cun kawn ah Bawipa Jesuh naw, “Ng’yak nak vai hnga om ci phung naw ng’ya sä” cik ci.

LUKA 8:8

M’shi am shah cu ng’lei k’ni ung kya law ci, cun cu akni ah ng’lih pyou ne, ghing gong ne, phia ciah vuipai m’theih tak ci” ci ne m’thein gui ci. Cun kawn ah “Ak hnga om ci naw ng’ya sä” ci ne m’lau ci.

1 JOHAN 2:13

Pa gui aw, nangmi cu ak htük ge ung om ciah Bawipa cu nami hmat ci kyasei, ca ka ning guk law gui ci nei. Hmaw chang gui aw, nangmi cu khoshe tu ne nami näng ci kyasei, ca ka ning guk law gui ci nei.

MAKUH 7:16

(Ak hnga om ci naw ng’ya sä) cine pyen na gui ci.