THU PHLAAN 2:3 - Cho Bible Common Language 2016

³ Nang cu hniimgei nak om ci, kei ah hmawk ah ang htei ah na yaica ci, kä nam lungksi ci,

THU PHLAAN 2:3 Referans Kwoze

HEBRU 10:36

Khanpughi ah ang yaak hlü bi hning vai la a shaaitaak gah hning vai ah hnimgei ne om vä.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

1 KORIN 13:7

M’Hni nak ung hnu ng’hlah nak kä om ci; m’hni nak ung yum nak, ngaih ü nak la hniimgei nak cu kä ng’chei phung ci.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

HEBRU 6:15

Abraham cu hniimgei ne om ne, Khanpughi ah shaitaak cu gah ci.

HEBRU 6:12

Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

1 TIMOTHI 4:10

Mikmi naw tha na ne mi bilawh ah mawng cu, chang nüng ah Hunbawi, ak tung pi ah yum ci gui ah Hunbawi ah kya ne ghing ciah Khanpughi cu mi ngaih u ah hmawk ah kyak ci.

2 THESSALONIAN 3:13

Cun ung phi phäi nau gui aw, akni nami bi nak ah hmawk ah kä nami cümbawng phung vai nei.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

2 KORIN 4:1

Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

ROMAN 8:25

Mikmi naw kä mi hmuh cu m’lung üp ne mi ngaih u ne, hnimgei nak awn mi ngäng ci.

LUKA 14:27

Amät ah kutlam tung kawt ne ka hnu ah kä na läk ci phung cu, kei ah ng’düihpui ah kä kya hlawt khai.

SAM 37:7

Hnim gei vai, Bawipa ah hnün thoh cu ging vä; khawh gah thei ciah chang ah hmawk la akshe bi ne näng nak gah ciah hmawk ah kä ng’ä ng’ai vä.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

2 PETER 1:6

nami Lulang nak cu htingling nak awn, htingling nak cu khüighaat nak awn, khüighaat nak cu Khanpughi ung bä nak awn,

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

2 KORIN 5:9

Keimi cu shi ah, cä ah, a hawi ah om ung phi Bawipa naw ana yei nak gui vai kami ng’ya hlük ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

1 TIMOTHI 5:17

Khanpughi ah khuut bik ciah ak tahnga gui cu, ng’cheng a goi thum ah gah khin ci gui ah nami hmat vai nei. Thu Ni ng’shäu ci gui la m’theingthang bilo ci gui cu ak tung pi ah gah khin ci gui nei.

2 THESSALONIAN 3:8

Kami sui-ei vai, kä kleih ne chang ah kaa kami ng’yoihthäh nak a i kä om ci. Nangmi tumat naw phi keimi ah hmawk ah kungkap nak kä a om vai ah, keimi cu amü ak hnüüp cümbawng ne bi kami bik ci nei.

2 THESSALONIAN 3:5

Khanpughi ah am hni nak nami hmuhmat law pi vai la Bawi Khrit ah a kyum law nak ba vai m’lung sau awn nami ngäng nak vai ah Bawipa naw nangmi cu lam ning m’shüm gui sä.

1 THESSALONIAN 2:9

Phäi nau gui aw, keimi naw a i hlawk ah cümbawng ne, kami bilawh cu nangmi naw akcang ah nami hmat ci nei. Khanpughi ah Thu Ni kami pyein nak ung nangmi ah khan ah yaica nak kä a om vai ah, amü ak hnüüp bi kami bik ci nei.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

PHILIPPIAN 2:16

Nangmi naw angtäi ghin nak ah mawng ng’thu cu pyein u ne, cun ah chang gui ah ng’lung ah khomik ung aisi ah ng’shü ah mäih ah nami khang khai nei. Cun ah nami bi ah akyak ung kei naw k’tha na ne ka bilawh gui cu a kholä ah kä kya sei, Bawi Khrit a kyum law Hnüüp ung, nangmi ung kei ah khäghah nak vai cu om khai nei.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

2 KORIN 10:15

Cun ah kyasei Khanpughi naw bi vai ah a nam hnüt peit gui ah kawn ah chang gui ah bi ah hmawk ah kä kami khähghah ci nei. Nami yum nak däm lawk ciah kyasei, Khanpughi ah am hnüt nak ah kyong ung, nangmi ah ng’lung ah bi nak cu bä lawpi khai ah kami ngaih u ci nei.

2 KORIN 6:5

Keimi cu tukthah nak, thawng chum nak, m’thüiplah nak kami gah ci; kä ng’düm ah bi kami bik ci kya ne, ih khin ei khin phi kä om ci.

ROMAN 16:12

Bawipa ah khuut bik ci goi ah Tryphaena la Tryphosa la, Bawipa ah hmawk ah akda bik ciah ka teihpüi Persis gui cun phi ka yavaih na gui ci nei.

LUKA 21:19

Akhäng htek ah nami ng’düih vai, cun ung hun phiawn nak nami gah khai.

MAKUH 15:21

Cun yah ung lam ah Sairin kho ah kaa (Aleksandä la Rufus ah ani pa) Simon cu ana law sei k’pang u netah, Bawipa Jesuh ah kutlam tung cu kaw sak ci gui.

MIKHAH 7:9

Bawipa hnu na ne mi cheishoh ci, cun ah kyasei am lungshe nak ung a shäng mi yai khai. Cun ung ak hnu ah ani naw na shungvong gui ne, hma cicu hman sak khai, cun cu mikmi ah khan ah ami bi ah kyak ci. Ani naw akdei ung na hteh püi gui sei, mikmi ghing ne ana hun nak gui cu mi hmuk khai.

SAM 69:7

Nang ah hmawk ah kei cu na päipih ci gui, kei cu thui ng’a nak naw na shung ci.

1 THESSALONIAN 5:12

Kami ning m’cäi gui ci nei, phäi nau gui aw, nangmi ung khuut bik ci gui, khritha ghin ah mawng lam ning m’shüm gui ne ning m’cumcäi gui ci gui cu nami chang m’sui gui vai nei.

1 KORIN 16:16

Phäinau gui aw, a shin ah mäih ah chang gui ah lam shüm nak la, ngami awn a täng ah k’tha na ne khuut bik ci gui ah lam shüm nak cu nami läk vai ah ka ning m’cäi gui ci nei.

LUKA 5:5

Simon naw, “Bawipa, Keimi amü pum ng’vai vawi ne nga kä ka mi phak ci nei, cun ung phi na na vawih sak gui ung kami vawi shüm khai nei” cik ci.