THU PHLAAN 2:26 - Cho Bible Common Language 2016

^26-28 Näng nak gah ne, kei ah ka ng’yak hlü ah khaw khüt sei om ciah chang-am Kapa ung ka gah ah huham cu ka pek khai. Cun ah huham cu, changpakhui avan m’si k’hteipawng awn uk gui ne, m’sitawn awn m’dek k’am thah gep ah mäih ah dep nak ah kyak ci. Kei naw ngami-am thaihke aisi phi ka pe gui khai nei.

THU PHLAAN 2:26 Referans Kwoze

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

SAM 2:8

Na na ng’noih vai, changpakhui avan nang am ka ning pek khai; Khomdek avan cu nang ah ka vai nei.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

1 JOHAN 5:5

Khomdek khan cu a u naw m’khüt näng khai ang? Bawi Jesuh cu Khanpughi ah Htapa ah yum ciah chang bäng naw m’dekkhan cu m’khüt näng ci.

JOHAN 6:29

Bawipa Jesuh naw, “Khanpughi ah ang yak hlü cu amät naw a tüih law ah akchang cu nami yum vai ah kyak ci nei” cine kyak na gui ci.

MATTHE 24:13

Cun ung phi ak hnu ah khüt sei düng ciah chang cu hunphiawn nak gah khai nei.

DANIEL 7:22

Cun kawn ah angtäi ah ghing ciah tumat cu law ne, khanpughi ah chang gui täng ah m’kum ne ng’thumcha vai ah mawng shäu ci. Khanpughi ah chang gui naw bawimang huham ami dou nak vai ah akhin cu gawk lawk ci nei.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

JAMES 2:20

Chang k’aang aw! Hnünthawh nak kä om ciah yum nak cu akholä ah a kyak ah mawng na hmat hlük ci ang?

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

SAM 49:14

Ngami cu htome ah mäih ah khomü sei sik ci gui, sih nak cu ngami ah htoshäm ah kyak ci. Ng’düng ci gui naw ngami cu näng gui sei, ami pumsa cu ang ghit ah thuka ne, ami im awn ng’shawng ciah sih nak ah kho ah gawk ci.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

1 THESSALONIAN 3:5

Cun ah kyasei Timothi cu ka tüih law ah kyak ci. Akcang ah nangmi khoshe ah tüihtok nak ung nami gawk ah khoi ung, keimi ah bilawh nak cu akholä ah kyak khai kyak ci.

SAM 2:9

Nang naw ngami cu, m’si hteipawng awn uk gui ne; M’dek am gep ciah mäih ah na m’shet gui khai.”

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.