THU PHLAAN 2:25 - Cho Bible Common Language 2016

²⁵ Kei kä ka law pha ah chuih nami kut ung om ci cu, htek sei nami shum vai.

THU PHLAAN 2:25 Referans Kwoze

THU PHLAAN 3:11

Kei ka gawk law ge vai ci nei, nang ung om cicu m’htek ne khäm ge ä, cun ung nang ah näng nak ng’chuh cu a u naw kä ning gut hlawt khai.

THU PHLAAN 22:7

Bawipa Jesuh naw, “Ngai vä, kei ka kyum lawk khai nei, shin ah cauk ung om ciah ng’cäi nak gui läk ciah chang cu yeikyai nak om ci nei” cine pyein ci.

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

HEBRU 10:23

Mikmi cu Khanpughi ah shaitaak kutshum ne mi ng’ap hning pyi ciah kyasei, mi yum la mi ngaih u nak cu khäng khai ah mi kut shum khai nei.

THU PHLAAN 22:20

Shin ah a mawng gui yuk pyein ciah Bawipa naw, “Kei akcang ah ka kyum law ge vai ci nei,” cine pyein ci. Cun cu akcang ah kya sä, Bawipa Jesuh yu kyum law ä!

1 THESSALONIAN 5:21

Apäng avan m’nüm ne k’tä netah, nik ci phung cu kut shum u ne,

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

1 KORIN 11:26

Nangmi cu shin ah m’htut ei ne, shin ah khap nami awk ung Bawipa a sih ah mawng cu, a kyum law ba ung khüt sei, shäu ne nami pyein ci.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)