THU PHLAAN 2:19 - Cho Bible Common Language 2016

¹⁹ Kei naw a i na bi cu ka hmat ci. Na m’hni nak, na bekhütnak, khuut na bi nak, la na hniimgei nak cu ka hmat ci. A htük ung na bi ah tah bä law pi ni law pi khai ah na bi cun phi ka hmat ci.

THU PHLAAN 2:19 Referans Kwoze

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

JOHAN 15:2

Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

1 THESSALONIAN 3:6

Tuhbäi Timothi cu law ba ne nangmi ah yum nak la m’hni nak ah mawng akbä akni ah pyein law ba ci. Nangmi naw keimi cu na shüm gui kheng geng u ne, keimi naw kami ning hmuh gui hlü ah mäih ah nami na hmuh gui hlü cu, nam thein law gui ci nei.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

SAM 92:14

Cun cu a ghi law güt m’theih ne, angtäi sei m’kim ne khäng khai gui nei.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

LUKA 1:23

Taigüim kyong ah taigü nak a khin ng’pyi sei, Zechariah cu a im ah hteit ba ci.