THU PHLAAN 2:14 - Cho Bible Common Language 2016

¹⁴ Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

THU PHLAAN 2:14 Referans Kwoze

2 PETER 2:15

Ngahmi cu lam düng nawng ne lam hma pyi ci gui, ngami cu Balaam ah htapa Beor ah lam läk pyi ci gui. Balaam cu cheishoh nak awn gah ah ngui cu m’hni ci kya ne,

KHEI NAK 31:16

Nami shüm ba vai cu Balaam ah m’shüm thein nak läk ci gui cu hnumi gui nei, Peor gawnu chang gui Bawipa ung kä bekhüt khai gui ah phi tängpang ci gui nei. A cun naw vah Bawipa ah chang gui ah khan ah leigai law püi ci.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

JOSHUA 24:9

Moab ghangpughang Zippora ah hta Balak naw tu ne ning hnungtuk püi gui ci. Ani naw Beor a hta Balaam am ng’thu m’shäk ne, nangmi a ning phyuntam gui vah k’thäh ci.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

LAMKTU 21:25

Bawi Jesuh yum law tuk ciah changpakhui hei ah hmawk läi ah, a gup am ami tu m’bei ah ei auk, si la a gawn ung kheik ne ngawn gui phung kä a mi ei auk vai la ng’yopawm dütdüt gui cu ami hlawi vai ah m’hnüt ne k’bäi u ne, ca guh ne kami pe gui ci nei” cine pyein ci gui.

KHEI NAK 31:8

Midian ghangpughang sing hma phi ngawn ci gui, cun gui cu: Evi, Rekem, Zura, Hura la Reba ah kya ci. Ngami naw Beor ah hta Balaam phi ngawn ci gui.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 KORIN 7:2

Cun ung phi pletbeng nak ada aih ah hmawk ah pami päng ak chu om ne hnumi päng a cei om sä.

MATTHE 18:7

Chang gui ah yum nak dimaih sak ciah a mawng ama gui om sei, chang gui ung thüi sei nak om ci. Zum nak dimaih sak cicu akcang ah om khai, cun ung phi yum nak dimaih sak ciah chang cu ang htei ah thüi sei nak om khai.

EZEKIEL 3:20

Akcang ah changnitumat naw shetkat nak a bi law ah a kyak ung kei naw khüi kha nak ung ka thun khai, nang naw ng’thu kä nak na k’bäi ung, ani cu sik khai. Ani cu a katnak ah phäh ah sik khai-ani naw akni abi gui man cu kei naw kä ka shüm ba khai-ani ah sih nak cu nang am ka ning ma na sak khai.

KHEI NAK 24:14

Balaam naw Balak am, “Tuhbäi kei ka mät ah chang gui ah ka hteit ba khai. Cun ung phi kä ka hteh ba pha ung Israel chang gui naw na chang gui ah khan ah ngawi ah a i bik lawk khai gui cicu ka ning khän tam shüt khai” cik ci.

ROMAN 14:21

Nami phäi nau naw shetkat nak khai a kyak ung, asa phi bäi sapyit tui phi bäi, a hmün a i ei auk phi bäi, avan nami hlawi vai.

ROMAN 14:13

Cun ah kya sei tumat naw tumat am khoichaa nak cu nawng shüt ne, nami phäi nau ah cheishoh nak vai la shetkat nak ung a luh nak vai cu, kä kami bi phung phung khai cine, nami m’lung ngaih nami phukpit vai nei.

EZEKIEL 44:12

Cun ung phi Israel chang gui naw agup ami khawihnah vai ah ami bi ah phäh la ashin ah bi chang gui katnak ung ami hteh püi gui ah phäh ah, kei, uktu Bawipa naw akcang ah ka ng’taam ci nei, ngami cu m’kyuk gui vai nei.

JEREMIAH 6:21

Cun ah kyasei shin ah chang gui ah ami ng’vawn nak vai pyang ne ka ng’tän sak gui khai. Ami pa gui la ami hta gui, ami teihpüi gui la ami paw chang gui si yawp khai gui.

THU PHLAAN 2:4

Cun ung phi ak htük ungka ah mäih ah nang naw kei cu kä na na m’hni ba ci kyasei, ning pyein m’sheet vai om ci.

1 KORIN 1:23

Keimi läi cu kutlam tung ung ami ngawn ah Bawi Khrih ah mawng ng’shäu ne kami pyein ci. Cun cu Jew chang gui ah kä ng’ak hlü, clang khum hei gum ah hmawk ah akholä ah kyak ci.

ROMAN 11:9

Cun ah kya sei David naw; “A mi mang ei cu ngah mi ah hmawk ah, ami ng’awh gui la ami ng’cawh nak ah kya sei, Khanpughi naw m’shekat gui sä!

ROMAN 9:32

A i ah kya sei ci ung ngami cu Khanpughi ami yum nak ung kä ng’düi u ne, ami mät ah bilawh nak ung ami ng’düih ah phäh ah kyak ci. Cun ah kya sei ngami cu cacim theing ung om ciah lung ung ng’vawn ne ng’täng ci gui.

ISAIAH 57:14

Bawipa naw pyen ci, “Ka chang gui kei ah law ba u sä. Ami lam ung ng’vawntam nak gui vai phung cu nawt heng vä. Lam phi co vä, pyang ge vä!