Biblia Todo Logo
Bib sou entènèt

- Piblisite -




THU PHLAAN 2:13 - Cho Bible Common Language 2016

13 Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

Gade chapit la Kopi




THU PHLAAN 2:13
27 Referans Kwoze  

A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.


Kei ka gawk law ge vai ci nei, nang ung om cicu m’htek ne khäm ge ä, cun ung nang ah näng nak ng’chuh cu a u naw kä ning gut hlawt khai.


Mikmi ung khüighaat nak a om ah a kyak ung, Mikmi phi ani ung uknak mi gah tuk khai.


Nang Bawi ah mawng saksi ciah Stephen ami ngawn yah ung phi kei cu a pei ah om ne ka tängpang tuk ci, ngawn ci gui ah suisak cu ka kawh pe gui ci” cine m’hlan ba ngä tah.


Khanpughi awn ng’thu k’bääi ne, Bawipa Jesuh ung bekhüt ciah Khanpughi ah chang gui cu, acun ah khin ung m’khüt näng nak vai hlü ci nei.


Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.


Nang ah bilawh cu ka hmat ci, nang naw a i hlawk ah nak tha nak, a i hlawk ah na ling k’tha la hniimgei nak a om cu kei naw ka hmat ci. Nang naw changshe gui kä na hniim gei nak gui hlawt la ang düihpüi ah kä kya lang ne, ana ng’düihpüi nei cik ci gui ah chang gui cu, ami hleeihlak dang khai ah nami k’tä gui cun phi kei naw ka hmat ci.


Mikmi cu Khanpughi ah shaitaak kutshum ne mi ng’ap hning pyi ciah kyasei, mi yum la mi ngaih u nak cu khäng khai ah mi kut shum khai nei.


Kei naw ka ning m’theithang ah thu düng cu, thei nak vai ah ak htek ah kutshum ne, Bawi Khrit Jesuh ung kawng ät nak awn mi gah ah yum nak la m’hni nak cu na läk vai nei.


“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.


Ngahmi cu nangmi naw nami dou ah ming k’ni cu sawngkhei ci gui nei.


Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.


Apäng avan m’nüm ne k’tä netah, nik ci phung cu kut shum u ne,


Ani cu k’taigü khem ah peit ah bi nak hning awn, nang ning khanihnah ciah chang gui cu, pha gui khai ah, Damaskas ah lawk ciah kiak ci nei” ci neh pyein ci.


Kei ah hmawk ah chang gui naw ning gen gui khai gui.


Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.


Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.


bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;


Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.


Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.


A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.


Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.


Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.


Swiv nou:

Piblisite


Piblisite