THU PHLAAN 19:9 - Cho Bible Common Language 2016

⁹ Cun kawn ah khankho chang naw, “Shin cu na guk vai nei, Htomehta ah hta m’um nak ung ami khü gui ah chang gui cu yeikyai nak om ci nei” cinetah leng ba mä ne, “Shin ah ng’thu cu Khanpughi ah ng’thu akcang ah kyak ci nei” cine na pyen nak ci.

THU PHLAAN 19:9 Referans Kwoze

THU PHLAAN 22:6

Cun kawn ah khankho chang naw kei-am, “Shin ah ng’thu cu ng’düng ne ng’ciim ciah ng’thu ah kyak ci. Purofet gui cu ang mumcha awn be sak gui ciah Khanpughi naw kä shou pha sei kia lawk khai ah a mawng gui cu, ak chang gui-am m’dang gui khai ah, khankho chang cu tüi law pyi ci nei” cine pyein ci.

THU PHLAAN 21:5

Cun kawn ah mangkiaang ung ngok ci naw, “Tuhbäi ung a päng avan cu akthai ah ka pyang ba ci nei” cine pyein ci. Bawipa naw, “A shin ah ng’thu cu ng’düng ne yum vai ah kyak ci kyasei gu ne nami m’hnüt vai nei” cine pyein ci.

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

HABAKKUK 2:2

Bawipa naw shin ah na m’shang ci: “Chang naw akni ah a phat hning vai ah ka ng’thu m’than cu lung ng’htei khai ah na guk vai nei.

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

THU PHLAAN 10:4

Cun ah ng’hmumkyeek ciah ng’thu cu ka guk khai ah pawng ngätah, “kä na guk-en vai nei, chih vei ng’hmumkyeek ciah ng’thu cu na m’yih vai nei” ciah khankho ah k’aw cu ka ng’yak ci.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

THU PHLAAN 3:1

Sadis khrithabum ah khankho chang-am ca gu ne peit law nei: “Shin ah ca cu Khanpughi ah Mumcha pachih la aisi pachih ah om nak naw amcäi nak ah kyak ci. Nang ah bilawh cu kei naw ka hmat ci: Nang cu ghing ciah na ng’ming thang pang sei phi na sik ci.

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

THU PHLAAN 2:12

“Perkamum Khrithabum ah khankho chang-am ca gu ne peit law ne; “Shin ah ca cu vang ah vei ghaat ciah khim shäm ci naw amcäi nak ah kyak ci.

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

THU PHLAAN 2:1

Ephesus khrithabum ah khankho chang-am ca peit law nei; shin ah ca cu akpat lam ah aisi pachih kawt ne, ghui mei ng’düi pachih ah ng’lung ah hteit shüi shüi ciah m’cäi nak ah kyak ci.

ISAIAH 8:1

Bawipa naw ana pyen nak cu, “ca guk nak vaiah ang kawmnu la neta, a cun ah khan ah ca ng’lung ang kawm gui awn na guk vai cu: ‘Ak yaang ah gutä, ang ghit ah gutä!

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

2 TIMOTHI 2:11

Shin cu thu düng ah kyak ci: “Ani awn a täng ah mi sih ah a kyak ung, Ani awn a täng ah mi ghing ba khai.

1 TIMOTHI 4:9

Shin cu bekhüt ciah thu ah kyasei, ak be ah dou ne yum vai ah kiak ci.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

LUKA 22:16

Kei naw ka ning m’thein gui cu, “Khanpughi ah uknak kho ung shin ah mü-ei ei ah mawng, kä ang dang pha ah chuih kei naw kä ka ei ba khai” cine pyein ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

THU PHLAAN 17:1

Khankho chang pachih ungka eikbei chih kawt ciah khankho chang tumat cu kei ah law netah, “Lawä! Tuinu gui ah pei ah ami sak ah mang gaw ah kyak ciah pletbeng ciah hnumi ami m’shetkat law cu ka ning hmuh sak khai nei.

THU PHLAAN 17:17

Ngami naw Khanpughi ah ng’thu düng a gawk law güt ami huham cu khiküi-am ami ap vai ah, Khanpughi naw ngami ah m’lung cu pyan pe gui ne, amät ah ng’bü nak ah mäih ah bilawh sak gui ci.