THU PHLAAN 19:6 - Cho Bible Common Language 2016

⁶ Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

THU PHLAAN 19:6 Referans Kwoze

SAM 97:1

Bawipa cu ghangpughang nei! Khomdek cu yei sä! Tui ah koi khokawng gui phi yeikyai u sä!

THU PHLAAN 14:2

Khanmawpi ah ng’güüt ciah tuinu la khaw ng’hmum ah mäih ah ng’shan ciah k’aw cun phi ka ng’yak ci.

THU PHLAAN 19:1

Cun kawn ah khanmawpi ah chang khli ah k’aw ah mäih cu ka ng’yak ci. Cun ah k’aw naw Khanpughi m’kümtou vä, Khanpughi cu hun nak, bämang nak la hlüngtai nak awn be ci nei.

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

THU PHLAAN 6:1

Cun kawn ah Htomehta naw mhnüt nak pachih ungka ak htük bäih cu khawk ne hmawng sei ka hmuk ci. Khiküi paphli ungka tumat naw khaw hmum ah mäih ah ng’shan ciah ak aw awn, “Lawä” a ci cu ka ng’yak ci.

THU PHLAAN 1:15

A khaw cu mei ung m’hling ne m’tui ah kyeicee ah mäih ah tui ne ak aw cu tuinu gaai ne ang hüüt ah mäih ah ng’hmum ci.

EZEKIEL 1:24

Ami zon ung ami ng’phia ami khäp ah k’aw cu ka ng’yak ci; cunah k’aw cu tuinu ah gaai ah mäih, gakap maknu ah k’aw ah mäih, m’gäi ciah khanpughi ah k’aw ah mäih ah kyak ci. Ami zon ami ng’düm ung, ami ng’phia chum ba ci gui,

THU PHLAAN 21:22

Cun ah mang gaw ung pum im cu kä ka hmuk ci. A i ah kyasei ci ung, cun ah pum im cu hlüngtai pi bäih ciah Bawipa, Khanpughi la Htomehta ah kyak ci.

THU PHLAAN 12:10

Cun kawn ah khanmawpi ah ng’shan ciah k’aw naw, “Tuhbäi Khanpughi ah hun nak cu gawk law pyi ci nei! Tuhbäi Khanpughi naw Ghangpughang ah a kyak ah mawng dang sak pyi ci nei! Tuhbäi a Messiah naw a huham dang sak pyi ci nei! Mi Khanpughi ah maa ah ng’düi netah, amü ak hnüüp mi phäi nau gui shetkat sak gui ci cu khankho ah kaa k’täm pyi ci gui nei.

THU PHLAAN 8:5

Cun kawn ah khankho chang naw, tawnglang cu la ne, sonkiaan ung kaa mei cu la ne m’khäp netah, khomdek khan ah yuk chah lawk ci. Acun vai-am khaw ng’thüi ne ng’hmum ne ng’kyeek ne, lailäp ne, shihpi thüng ne kya lawk ci.

THU PHLAAN 4:5

Mang kiaang ah kyong ung khaw lailäp ne ng’thüi ne ng’hmum kyeek ciah ak aw gui lut lawk ci. Mang kiaang ah maa ah Khanpughi ah Mumcha pachih ah kyak ciah mei im pachih cu däi ne khang ci.

EZEKIEL 43:2

acun ung Israel Khanpughi ah dei ne ng’shü ciah akhang cu ak kyang täng ah ka law sei kei naw ka hmuk ci. Khanpughi ah ak’aw cu tuinu ah ng’güt ah mäih ah ng’hmum ci, khomdek khan cu dei ne khang ci.

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”

SAM 97:12

Bawipa ah bi lawh hmawk ah düng ciah chang gui avan yeikyai vä! Theing ciah Khanpughi ah bilawh cu shüm ba vä, ani cu m’hlüngtai vä.

SAM 77:18

Na kho ng’hmum ng’kyeek ne ng’liim sei, lailäp ne ng’shü ci naw m’dek han chang ci; khomdek ng’hlet ne thüng ci.

JOB 40:9

Nang cu kei hlawk ah na gaigawng ne ma? Na k’aw cu kei ah k’aw hlawk ah ng’hngum ne ma?

JEREMIAH 51:48

Asiip täng ah ka ani m’di khai ah lawk ciah chang gui ah kut ung Babilonia ang kyak awn ah khomdek khan la khan khomik ah om ci nü cu yeikyai ne m’lau khai gui nei.

SAM 47:7

Khanpughi cu m’dek ah khan avan ung ghangpughang nei; Ng’äi m’cu ne m’taam vä!

SAM 47:2

Bawipa, A hlüngtai pibäih cu kyih aa vai kyak ci nei; ani cu küikyang ciah ghangpughang, M’dekhan avan uk ciah kyak ci nei.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

THU PHLAAN 19:4

A ghaampa m’kulei-phli la khiküi paphli naw, mangkiaang ung ngok ciah Khanpughi cu khawihnah u netah “Amen, Khanpughi cu m’kümto vä” cine m’lau ci gui.