THU PHLAAN 18:7 - Cho Bible Common Language 2016

⁷ Ani cu amät bämang ne ang päi ng’ye awn khin khai ah, yaica nak la geinvai nak ung gawk sak vä. A i ah kyasei ci ung, ani naw, “Kei cu mangnu ah ka kyak ci, hmeinu ah kä ka kyak ci, Kei ung a i yah ung phi thüisei nak kä om khai” ci ne a kyak ah hmawk ah kyak ci.

THU PHLAAN 18:7 Referans Kwoze

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

SAM 45:9

Na m’tai kyang ung ng’lamihta gui ah ng’lung ah ka cu, ghangpughang gui ah hta hnumi gui ah kyak ci. Na mang kyang ah k’pat lam ung mangnu ng’düi ci, ani naw Onamen ghui pyü sui awi ci.

SAM 10:6

Amät ng’htau ne, “Kei kä ka zu ng’kia hlawt khai; kei khuikha nak ung kä ka gawk hlawt khai” cik ci.

OBADIAH 1:3

Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.

1 TIMOTHI 5:11

Hmaw ciah hmeinu gui cu hmeinu ah kä nami k’bäi cang vai, a i ah kiasei ci ung ngami cu, kä ami htingling law hlawt ung, ceimah law ba hlü netah Bawi Khrit cu hnu nah ci gui ah kya ci.

THU PHLAAN 18:3

A i ah kyasei ci ung changpakhui akda naw acun ah gawnu awn ng’yaw ng’pawm nak ah kyak ciah yu cu awktat ci gui nei. Khomdek ah khan ah ghangpughang gui cun phi ani awn ng’yaw ng’pawm ci gui nei. Khomdek ah khan ah sumlei ci gui cun phi acun ah gawnu ah pletbeng nak awn ng’bühmang pyi ci gui nei” cine pyein ci.

THU PHLAAN 18:9

Ani awn ng’yaw ng’pawm lä mante ciah khomdek khan ung ghangpughang gui naw, ani ui ciah mei ah akhu cu ami hmuh ung kyap ne m’lau khai gui nei.

ESTA 6:10

Cun ah kyasei ghangpughang naw Haman a pyen nak cu, “Suinu la ng’se cu ang ghit ah la ne Jew chang Modekai am pea. Na pyen gui pang cu ani ung na bi vai nei. Ani cu mang im kawt pei ah ngoh sei na hmuk khai nei.”

EZEKIEL 23:34

Nang naw ng’pyi khai ah aw yawp neta, acun cu tupazak ne, ak pi awn na ng’kyaang na aat teek khai. Kei uktu Bawipa naw ka pyen nei.”