THU PHLAAN 18:3 - Cho Bible Common Language 2016

³ A i ah kyasei ci ung changpakhui akda naw acun ah gawnu awn ng’yaw ng’pawm nak ah kyak ciah yu cu awktat ci gui nei. Khomdek ah khan ah ghangpughang gui cun phi ani awn ng’yaw ng’pawm ci gui nei. Khomdek ah khan ah sumlei ci gui cun phi acun ah gawnu ah pletbeng nak awn ng’bühmang pyi ci gui nei” cine pyein ci.

THU PHLAAN 18:3 Referans Kwoze

THU PHLAAN 17:2

Khomdek ah khan ah ghangpughang gui cu, ani awn ng’yaw ng’pawm lä ci gui nei. Chang ah hta gui avan cun phi ani awn ng’yaw ng’pawm nak ah kyak ciah yu cu awktat ci gui nei,” cine pyein ci.

THU PHLAAN 14:8

Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.

THU PHLAAN 18:9

Ani awn ng’yaw ng’pawm lä mante ciah khomdek khan ung ghangpughang gui naw, ani ui ciah mei ah akhu cu ami hmuh ung kyap ne m’lau khai gui nei.

THU PHLAAN 18:23

Ngawi ah phi nang ung mei im ah dei cu kä hmuh ba vai nei. Ng’puui ng’khap khai ah ng’piangmi, ng’laami ah k’aw phi kä ng’yak ba vai nei. Nang ah sumlei chang gui cu khomdek ah khan ung hlüngtai pi ci gui nei. Nang naw chang ah hta avan cu ng’yo hleip nak awn na cheishoh sak pyi yawp ci nei,” cine pyein ci.

JEREMIAH 51:7

Babilonia cu kei ah kut ung om ciah ghui khap ah mäih ah kyak ci, acun naw khomdek khan avan awk tat sak ci nei. Pakhui gui naw a shin ah wine cu aw u ne vämhtam ci gui.

NG’ÄI KYAH 4:5

Buh akni pi ei man ciah chang gui cu lam gui ung ei cawi ne sik ci gui. Bämang nak ung ng’shüm lawk ci gui naw ami ei vai bäng ng’ya hlük ci gui.

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

LUKA 7:25

Kä cun ung akni sui sa ne ng’bilawh ci gui nami teng khai ma? Akni sui ei ci gui cu bawimang ah im ung om ci gui nei.

NAHUM 3:4

Pawmyau ciah Nineveh naw m’kyuk nak gah ci. Ani cu chang hleeip thei ne, Sih nak awn be ci. Chang pakhui gui pluhplang gui ne, Kleihtein ah piang gui ci.

1 TIMOTHI 5:11

Hmaw ciah hmeinu gui cu hmeinu ah kä nami k’bäi cang vai, a i ah kiasei ci ung ngami cu, kä ami htingling law hlawt ung, ceimah law ba hlü netah Bawi Khrit cu hnu nah ci gui ah kya ci.

THU PHLAAN 18:7

Ani cu amät bämang ne ang päi ng’ye awn khin khai ah, yaica nak la geinvai nak ung gawk sak vä. A i ah kyasei ci ung, ani naw, “Kei cu mangnu ah ka kyak ci, hmeinu ah kä ka kyak ci, Kei ung a i yah ung phi thüisei nak kä om khai” ci ne a kyak ah hmawk ah kyak ci.

THU PHLAAN 18:19

Ngami cu m’vut kaw ne ami lu khan ah phyang u netah, “Cäicat aih vai, thüi sei aih vai kyak ci nei, hteihpaw k’ta, sumlei chang phung bämang sak ciah mang gaw cu nayi ät hta ah kyong ung di ne maih ci nei” cine kyap ne m’lau ci gui.