THU PHLAAN 18:11 - Cho Bible Common Language 2016

¹¹ Sumlei ciah chang gui cun phi ami khawh khleih khai a u phi kä om ba sei, kyap ne thüi khai gui nei.

THU PHLAAN 18:11 Referans Kwoze

THU PHLAAN 18:3

A i ah kyasei ci ung changpakhui akda naw acun ah gawnu awn ng’yaw ng’pawm nak ah kyak ciah yu cu awktat ci gui nei. Khomdek ah khan ah ghangpughang gui cun phi ani awn ng’yaw ng’pawm ci gui nei. Khomdek ah khan ah sumlei ci gui cun phi acun ah gawnu ah pletbeng nak awn ng’bühmang pyi ci gui nei” cine pyein ci.

THU PHLAAN 18:23

Ngawi ah phi nang ung mei im ah dei cu kä hmuh ba vai nei. Ng’puui ng’khap khai ah ng’piangmi, ng’laami ah k’aw phi kä ng’yak ba vai nei. Nang ah sumlei chang gui cu khomdek ah khan ung hlüngtai pi ci gui nei. Nang naw chang ah hta avan cu ng’yo hleip nak awn na cheishoh sak pyi yawp ci nei,” cine pyein ci.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

THU PHLAAN 18:15

Babilon mang gaw ung sumlei u ne bühmang lawk ci gui ah sumlei chang gui cu, cun ah gawnu ah dishum nak hmu u ne, kyikyawk u netah, asang ah ng’düi u ne,

ZEPHANIAH 1:11

Kyah m’lau ah k’aw gui cu nami mang gaw ah akhodou täng ah om ci naw nami ng’yak khai, a i ah kyasei ci ung sumlei ci gui ami van cu si yawp khai nei.

THU PHLAAN 18:9

Ani awn ng’yaw ng’pawm lä mante ciah khomdek khan ung ghangpughang gui naw, ani ui ciah mei ah akhu cu ami hmuh ung kyap ne m’lau khai gui nei.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

MATTHE 22:5

Cun ung phi ami khü gui ah chang gui cu, khü lawk ciah chang gui a i ah kä tä ne, tumat cu lo ah hteit ci.

JOHAN 2:16

Cun kawn ah Bawipa Jesuh naw, “Shin gui avan hteh püi ba vä, Kapa ah im cu sumlei hmun ah kä kyak ci” cine mümkha yoi ci gui-am pyen na gui ci.

NG'THU K'THUUK~ 3:14

Cüivai nak gah cu ngui gah ah ta bä pi ci. Cun cu ghui ah phi bä pi ci.

ISAIAH 13:19

Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

EZEKIEL 27:9

Htinpaw co ciah chang gui cu Biblos ah ka, akni ah m’thei gui pyi ah kyak ci. Tuinu ung hteit ciah htinpaw päng ung bii k’bi gui cu, nang awn säng ung sumlei ciah kyak ci gui.