THU PHLAAN 18:10 - Cho Bible Common Language 2016

¹⁰ Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

THU PHLAAN 18:10 Referans Kwoze

THU PHLAAN 18:19

Ngami cu m’vut kaw ne ami lu khan ah phyang u netah, “Cäicat aih vai, thüi sei aih vai kyak ci nei, hteihpaw k’ta, sumlei chang phung bämang sak ciah mang gaw cu nayi ät hta ah kyong ung di ne maih ci nei” cine kyap ne m’lau ci gui.

THU PHLAAN 18:8

Acun gui ah phäh ah leigaai gui, gawpai nak gui, thüisei nak gui, cawigha nak gui cu ani ah khan ah hnüüp ät ge awn gawk lawk khai nei. A i ah kyasei ci ung, ani m’khoichak ciah Bawipa Khanpughi cu, m’hlüngtai pi bäih ah hmawk ah kyak ci,” ci ne pyein ci.

THU PHLAAN 14:8

Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.

AMOS 5:16

Cun ah kyasei m’gäi ciah Uktu Bawipa naw, “Mang gaw lam gui ung m’lau ne thüikyah nak om khai nei. Sih nak ng’län sei thüikyap ci gui awn, thüikyap tuk khai ah lai bik ci gui phi khü gui khai gui nei.

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

THU PHLAAN 17:12

“Nang ah na hmuh ah aki ghaa cu, kä uktu phak ci gui ah ghangpughang ghaa ah kyak ci. Ngami cu khiküi awn a täng ah nayi ät hta ung huham gah tuk khai gui ah kyak ci.

JEREMIAH 30:7

Kyihkyawk nak ah hnüüp gawk lawk ci nei; A hei m’täng nak vai ah hnüüp kä om Khai nei. Cun cu kei awn Chang gui ah geinvai nak vai ah akhin ah kyak khai nei, Cun ung phi ngami cu ghing ne k’pawih khai gui.”

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

KHEI NAK 16:34

A cun ung om ciah Israel chang gui ami van cu, a cun gui ah kyah m’lau ng’ya u neta, dawng ci gui. Ngami cu “Dawng vä! Mikmi phi m’dek naw na m’yaw law tu gui khai nei!” cine m’lau ci gui.

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

EZEKIEL 32:9

“Nang naw kä na ng’yak tu man ah khopäng gui ah nang ah dishum nak ah mawng cu ka gawk law sak ah a kyak ung changpakhui akda cu khüikha khai gui.

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

THU PHLAAN 18:18

Cun ah mang gaw ui ciah meikdäi meikhu gui cu hmu u netah, “Shin ah mang gaw ah mäih a hei mang gaw a i sang ung phi kä man khai nei” cine m’lau ci gui.

THU PHLAAN 18:21

Cun kawn ah k’thamah pi ciah khankho chang naw lungsum teih lawk ciah lungnu cu, la ne tuinu ung yuk shum netah “Babilon mang gaw cu a shin ah mäih ah tui ung yuk shum khai gui nei, a ngawi ah phi kä dang law ba khai nei.