THU PHLAAN 17:9 - Cho Bible Common Language 2016

⁹ “Shin ah a mawng ung cüivai vai la lunglang vai hlü ci. Lu chih cu hnumi nu ah ngoh nak ah m’htung chih ah kyak ci. Ghangpughang chih ah phi kyak ci.

THU PHLAAN 17:9 Referans Kwoze

THU PHLAAN 13:18

Shin ah a mawng ung cüivai vai hlü ci. Lunglang ciah chang naw acun ah khiküi ah khei nak gui ah mawng cu khei thei ci. Cun ah khei nak cu chang tumat ah ming ah phäh ah ng’düi ci. Cun ah khei nak cu 666 ah kyak ci.

THU PHLAAN 17:7

Khankho chang naw, “A i ah kyasei na cäi ang? Cun ah hnumi nu ah thuuk ciah amanwg la ang cun nak ah alu chih law ne aki ghaa lawk ciah khiküi ah manwg cu ka ning m’thein khai nei.

THU PHLAAN 17:18

“Nang ah na hmuh ah hnumi nu cu khomdek khan ah ghangpughang gui uk gui ciah mang gawnu ah kyak ci,” cine pyein ci.

THU PHLAAN 17:3

Cun kawn ah khankho chang naw mumcha awn kei cu bung ah na hteh püi ci. A cu ah khiküi asen ung ngok ciah hnumi nu cu ka hmuk ci. Cun ah khiküi ah pum avan ung Khanpughi ah thang shetsak ciah ming cu be ne ng’guk ci, khiküi cu alu chih law ne aki ghaa lawk ci.

THU PHLAAN 13:1

Cun kawn ah alu chih aki ghaa lawk ciah khiküi tumat cu tuinu ung kaa lut law sei ka hmuk ci. Aki päng ung lukhu büng ne, alu päng ung Khanpughi ah thang shet sak ciah ming om ci.

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

DANIEL 12:4

Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.