THU PHLAAN 17:4 - Cho Bible Common Language 2016

⁴ Hnumi nu cu asen la akshon ah kyak ciah sui cu sui ne, ghui ni, ng’mo ni, k’cünglung mi gui cu awi ci. Ani cu pletbeng nak ah kiak ciah m’shemshai nak awn be ciah ghui khap cu kawt ci.

THU PHLAAN 17:4 Referans Kwoze

THU PHLAAN 18:16

“Shin ah mang gaw ah hmawk ah cäi aih vai, thüi aih vai, kiak ci nei; Ani cu k’phla sui, ng’hlo sui, pää sui gui sui ne ghui, ng’mo la k’cünglung gui cu awi man ci nei.

JEREMIAH 51:7

Babilonia cu kei ah kut ung om ciah ghui khap ah mäih ah kyak ci, acun naw khomdek khan avan awk tat sak ci nei. Pakhui gui naw a shin ah wine cu aw u ne vämhtam ci gui.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

THU PHLAAN 18:12

Ngami ah khawh gui cu ghui, ngui ng’mo, yih, pää, ng’hlo pyai, tui ng’ui a hlü hlü, m’vuihaa, sing a hlü hlü, cheeipai, m’si k’tolung;

NG’ÄI KYAH 1:9

Ani ah kä ng’gängsei nak cu ayäi ah hmuh vai kyak ci. Cun ung phi amät ah m’nü nak cu ani naw kä dang sak ci. Ani ah yung kyak nak cu kyih vai kyak ci, a u naw kä shungvong hlawt ci. Aga gui naw näng u sei, ani cu Bawipa naw ak chimgein vai ah kyap ci.

THU PHLAAN 14:8

Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.

DANIEL 11:38

Cun gui ah a hnün ung vongpaang gui ngäng ciah Khanpughi cu ani naw m’tamkhah khai. Ani naw ghui ni, ngui ni, pyülung ni la ahei aküikyang gui cu, apupa gui naw kä ami khawihnah man ah, Khanpughi am douthak khai.

EZEKIEL 24:13

Jerusalem, na mät ah omshe hnunthawh nak naw ning lelawi sak ci nei. Kei naw ka ning theingthap sak khai ah ka tha nak ung phi nang na lelawi ba lä ci. Kei ah ka m’lungshe nak ah k’tut nak akbe ah kä nami gah pha ah chuih nangmi kä nami theingthap ba khai.

EZEKIEL 24:11

Tuhbäi kyei k’am aghawng cu mei k’cak ung kyäng vä, sen ne ng’ling sä! Cun kawn ah hnai cu mei naw ui yawp sei, k’am cu theingthap ba khai.

1 GHANGPUGHANG GUI 14:24

Akshekha pi cu, a gup khawihnah nak ah hmun gui ung pawmyaa ciah hnumi pami gui ami bilawh ah kyak ci. Israel kho ung ami gawk law yah ung cun ah kho ungka Bawipa naw aktäm gui ah chang gui ah ami bi ah thui ng’aa nak avan cu Judah chang gui naw bik ci gui.

HOSEA 9:10

Bawipa naw pyen ci, “Kei Israel gui ka hmuh gui htük yah ung khonggau kho ah sapyit ghing gui hmuh a mäih ah kyak ci. Kei naw nami pupa gui ka hmuh htük yah ung kho aa ung up law ma ciah thei ah mäih ah kyak ci. Cun ung phi ngami Peor m’htung ung mi gawk law yah ung ngaminaw tün ne Baala cu khawihnah ci gui. A cun vai am ami m’hni ah khanpughi gui ah mäih ah shemshai ci gui.

EZRA 9:11

Cun cu na changshäm prophet gui ung na na pek gui ah kyak ci, keimi maw kami khäm law vai ah khaw cu kä theingthap ciah khaw ah ngami mi naw na m’thein gui ci gui nei, a i ah kya sedi ci ung cun ung om ciah chang gui naw, vang ungka vcang ah khüt khai ah shekat hnün thawh nak awn ami be sak nei.

EZEKIEL 20:30

Tuhbäi kei, uktu Bawipa naw ka pyen cu Israel gui am m’thein gui ä. A i ah kyasei nangmi naw nami pupa gui ah katnak cu bi u ne, ami a gup gui ah hnu ah nami gawt gui ang?

2 GHANGPUGHANG GUI 21:2

Ak chang gui ami kai law yah ung Bawipa naw khaw ungka aktäm gui ah chang gui ah shemshai ciah khawihnah nak gui cu läk ne, Manasseh naw katnak bi ne, Bawipa cu hnungtuk püi ci.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

THULÄÄN NAK 29:17

Sing ni, lung ni, ngui ni, ghui ni awn ami pyan ah shemshai ciah ami gup gui cu nangmi naw nami hmuh pyi ci.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

EZEKIEL 28:13

Nang cu Khanpughi ah dum Eden ung na om ci. Pyülung aming nü cu na awi ci: pyü lung, vailung, m’liulung, lelung, k’toulung, senlung, kyinglung, khing, lung gui cu na sui ci. Nang ah sui awi gui cu ghui ah kyak ci. Cun gui cu nang aning tüipian yah ge ung nang ah phäh ah a pyan ah kyak ci.

THU PHLAAN 9:21

Chang ami ngawn nak, ami ng’pluhkheih nak, ami m’guuk nak, ami plet nak ah phäh ah phi kä ng’yu ba ci gui.

THU PHLAAN 21:21

M’Kawt tumat cu yapi ng’mo tumat awn ami pyan ah kya ne, m’kawt gha-lei-goi ung yapi ng’mo gha-lei-goi lawk ci. Mang gaw ah lam gui cun phi ghui bäng ah kya ne püüi dang ne vai ci.