THU PHLAAN 17:3 - Cho Bible Common Language 2016

³ Cun kawn ah khankho chang naw mumcha awn kei cu bung ah na hteh püi ci. A cu ah khiküi asen ung ngok ciah hnumi nu cu ka hmuk ci. Cun ah khiküi ah pum avan ung Khanpughi ah thang shetsak ciah ming cu be ne ng’guk ci, khiküi cu alu chih law ne aki ghaa lawk ci.

THU PHLAAN 17:3 Referans Kwoze

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

THU PHLAAN 17:18

“Nang ah na hmuh ah hnumi nu cu khomdek khan ah ghangpughang gui uk gui ciah mang gawnu ah kyak ci,” cine pyein ci.

THU PHLAAN 12:6

Hnuminu cu bunghmu ah Khanpughi naw a pyan nak peitah hteit ci. A cu ah hnüüp 1, 260 ung ani cu ami m’hteihtang ah kyak ci.

THU PHLAAN 17:4

Hnumi nu cu asen la akshon ah kyak ciah sui cu sui ne, ghui ni, ng’mo ni, k’cünglung mi gui cu awi ci. Ani cu pletbeng nak ah kiak ciah m’shemshai nak awn be ciah ghui khap cu kawt ci.

THU PHLAAN 12:14

Cun ah hnumi cu khaw k’häu ung a yawn nak thei vai ah vanbuk hmu ah ng’phia hnih cu gah ci. Ani cu acu ah kum thum la avang ung shawk kphyunu ah gaa phiawn nak khai ah m’hteihtang khai gui ah kiak ci.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

DANIEL 7:20

Cun kawn a lu khan ah om ciah a ki gha la a ki thum plawh ne lut lawk ciah a ki ah mawng cu ka hmat hlük ci. A cun ung a mik gui la am gawng om ci, ani cu chang ah ng’shei ci. Cun cu ahei gui ah ta kyih pi vai ah kyak ci.

DANIEL 7:8

A ki gui cu kei kheng ne ka teng sang ung ahei ki gui ah ang lung ung a ki a läm tumat lut law sei ka hmuk ci. A cun naw om ge ciah a ki thum cu plawh ci. Cun ah ki ung chang mik gui ah mäih om ci, chang ah ng’shei ciah am gawng phi om ci.

THU PHLAAN 21:10

Ani naw mümcha awn kei cu ang htei ah hlüng ciah khomhtung khan ah na hteh püi netah, Khanpughi ah khanmawpi ah kaa kyum lawk ciah theingciim ciah Jerusalem mang gaw thai cu nam hnuh ci.

EZEKIEL 8:3

Ani naw kut ah mäih lawk cicu shäng ne, ka lusam cu na shum ci. Shin ah mui man gung khanpughi ah mumcha naw kei cu khokhi ung ak hlüng ah na Chang neta Jerusalem ah na hteh püi ci. Ani naw kei cu Taigüim a siiptäng m’kawt valuh nak ung na hteh püi ci, a cun ung khanpughi naw kä a teng hlü ah a gup om ci.

EZEKIEL 11:24

Muimang ung khanpughi ah mumcha naw na chang ne omktu gui ah om nak Babilonia ah na hteh püi ba ci. Cun kawn ah muimang cu ng’kawn lawk ci,

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

EZEKIEL 3:12

Cun kawn ah khanpughi ah mümcha naw kei cu nahanchang khä ta, ka hnu täng ah akdäm ah m’ngaw ah k’aw cu ka ng’yak ci, cun naw a pyen cu, “Khankho ah khan ah Bawipa ah bämang nak cu m’hlüng tai vä!” ciah kyak ci.

SOLOMON NG’Ä~ 8:5

Am hni ah chang awn kut ng’pang ni ne, Kho ng’gau ah ka shin ah lawk cicu a u ang? Nang ami ning hta nak ah sing theih ghing ka ah, kei naw nang cu ka ning m’tho ci nei.

THU PHLAAN 1:10

Bawipa khawihnah nak hnüüp ung Mumcha cu kei ah khan ah kyum law khätah, k’phyungheng tum ah mäih ah ng’thu k’aw cu ka hnu lam ah ng’shan law sei ka ng’yak ci.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

2 GHANGPUGHANG GUI 2:16

ami pyen cu, “Shin ung chang hmakip kami om ci, avan cu ak gai yah gui nei. Hteit ne nang ah bawi cu kami shui ba khai nei. Bawipa ah mümcha naw a chaan ah kyak khai nei, khomhtung khongnawi yung ah nawng shüt khai nei. Elisha naw, “Kaa, kä nami hteh vai nei” cik ci.

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

THU PHLAAN 4:2

Kei naw ka ng’yak htük ah phyungheng ah ng’gin ah mäih ah ng’ging ciah k’aw naw”, shin ung law ä, ngawi ah ng’dang lawk khai gui ah a mawng cu ka ning hmuh sak khai” cine pyein ci. A cun vai-am Mumcha cu kei ah khan ah gawk lawk ci. Khanmawpi ah mang kiaang tumat om ci, Cun ah kiaang ung mang tumat ngok ci.

LAMKTU 8:39

Ngah ni cu tui ung ka, ani kai law ba vai am, Khanpughi ah Mumcha Theing naw Philip cu, a khaw hei ah hteh püi sei cunah Bawi naw Philip cu kä hmuh ba ci. Cun ung phi ani cu yeikyai neh lam hteit ba ci.

MATTHE 27:28

Gakap gui naw Bawipa Jesuh ah a suisak cu suh pe u netah, hlui sen ciah suinu cu m’sui ci gui.

THU PHLAAN 18:12

Ngami ah khawh gui cu ghui, ngui ng’mo, yih, pää, ng’hlo pyai, tui ng’ui a hlü hlü, m’vuihaa, sing a hlü hlü, cheeipai, m’si k’tolung;

THU PHLAAN 18:16

“Shin ah mang gaw ah hmawk ah cäi aih vai, thüi aih vai, kiak ci nei; Ani cu k’phla sui, ng’hlo sui, pää sui gui sui ne ghui, ng’mo la k’cünglung gui cu awi man ci nei.