THU PHLAAN 17:16 - Cho Bible Common Language 2016

¹⁶ Nang naw na hmu ah khiküi la aki ghaa naw pletbeng ciah hnumi nu cu thüi nak khai gui nei. Ngami naw cun ah hnumi cu a suisak avan suh pe u sei akplui ah om khai nei. A sa cu ei u ne, ani cu mei awn m’khih khai gui nei.

THU PHLAAN 17:16 Referans Kwoze

THU PHLAAN 18:8

Acun gui ah phäh ah leigaai gui, gawpai nak gui, thüisei nak gui, cawigha nak gui cu ani ah khan ah hnüüp ät ge awn gawk lawk khai nei. A i ah kyasei ci ung, ani m’khoichak ciah Bawipa Khanpughi cu, m’hlüngtai pi bäih ah hmawk ah kyak ci,” ci ne pyein ci.

TAIGÜTHUM 21:9

Taigü ah hta hnumi a plet ah a kyak ung, apa m’thüi ciah kyak ci, ani cu m’khih ne ngawn vai.

THU PHLAAN 18:19

Ngami cu m’vut kaw ne ami lu khan ah phyang u netah, “Cäicat aih vai, thüi sei aih vai kyak ci nei, hteihpaw k’ta, sumlei chang phung bämang sak ciah mang gaw cu nayi ät hta ah kyong ung di ne maih ci nei” cine kyap ne m’lau ci gui.

THU PHLAAN 19:18

Law u ne ghangpughang gui, gabawi gui la gakap gui ah ami sa, ng’se gui la ng’se ung ng’cum ci gui ah ami sa, khleihtein khuimah, akyaw akdäm chang avan ah sa cu ei vä” cine m’lau ci.

THU PHLAAN 17:10

Ghangpughang pahmaa cu sih pyi ci gui, tumat ghing ne om yah ci, tumat cu kä dang law phak ci, ang dang law ung phi a shänghta vah uk tuk khai.

THU PHLAAN 16:12

Akchuk nak ah khankho chang naw a eikbei ungka cu Euphratis tuinu ah khan ah yuk huk khätah cun ah tuinu cu kawi ne ket sei, hnii law lam ah kaa ghangpughang gui ah law nak vai ah lam cu ng’hmawng lawk ci.

DANIEL 7:5

A hnih nak ah khiküi cu a hnu khaw awn ng’düi ciah khawm ah ma’ih ah kyak ci. Ani naw gangguh phe thum a haa ung m’kiam ci. K’aw tumat naw ani cu pyen nak ci, “Asa cu na ei hning hlawk ah na ei vai nei.”

SAM 27:2

Kei na tuh ne, na ngawn hlük ciah changshe gui cu, ng’lat ne kiuk khai gui.

JOB 31:31

Kei ah bii bik ciah chang gui ami van naw hmat khai gui nei, chang hei nu gui phi ak phlut ah ka dou gui ci nei.

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.