THU PHLAAN 17:1 - Cho Bible Common Language 2016

¹ Khankho chang pachih ungka eikbei chih kawt ciah khankho chang tumat cu kei ah law netah, “Lawä! Tuinu gui ah pei ah ami sak ah mang gaw ah kyak ciah pletbeng ciah hnumi ami m’shetkat law cu ka ning hmuh sak khai nei.

THU PHLAAN 17:1 Referans Kwoze

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

JEREMIAH 51:13

Cun ah khopäng ung tuinu gui akda, khawn cham akda on ci, cun ung phi ani ah khin cu ng’pyi pyi ci, ani ah ghin nak cu pit pyi ci nei.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

THU PHLAAN 21:9

Leigaai mawng chih awn be ciah eikbei chih kawt ciah khankho chang pachih ungka tumat cu kei ah law netah, “Law ä, Htomehta ah k’chu vai ah ng’laamihta cu ka ning m’hnuh khai nei” ci ne pyein ci.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

ISAIAH 1:21

Bekhüt mante ciah mang gaw u chaung pletah mäih ah kyak ci nei! Chang düng gui ah be nak man ung tuhbäi Chang ngawn ci gui bäng ah kyak ci nei.

THU PHLAAN 15:1

Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

ISAIAH 57:3

Nangmi kakciah chang gui, ng’thumcha vai shin ung law vä! Nangmi cu, cuun u ni, chang ah chuhta kat püi ci ni, pletbeng ci ni ah ta kä nami bä tuba ci nei.

THU PHLAAN 21:15

Kei nang thu püi ciah khankho chang ah kut ung mang gaw ni, mang gaw m’kawt gui ni, la mang gaw päng gui nüt nak vai ah ghui ng’mui pum om ci.

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

LUKA 24:32

Ngani naw lam ah ana ng’htau püi goi yah ung phi bäi, cacim ana m’thein goi yah ung bäi, m’lung kyong ah mei däi ciah mäih ah kiak ci nei, cine ani mät ng’htau ci goi.

LUKA 9:30

Chang hnih cu ang ghit ah ng’dang law ni ne, Bawipa Jesuh awn ng’thu ci goi. Ngani cu Moses la Elijah ah kyak ci.

EZEKIEL 31:4

Acun thawh sak khai ah tui om ci, M’dek ah ka ah tuinu gui naw ani cu tui pek ci. Sing ghing gui ami thawh nak ah ngami naw tui pek ci gui. Bung hmu ah sing ghing gui avan am tuihta gui cu tüih lawk ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

THU PHLAAN 18:1

Cun kawn ah khanmawpi ah kaa kyum lawk ciah khankho chang tumat cu ka hmuk ci. Ani ung küikyang ciah huham om sei, ani cu khomdek khan avan ung dei ne khang ci.

THU PHLAAN 19:9

Cun kawn ah khankho chang naw, “Shin cu na guk vai nei, Htomehta ah hta m’um nak ung ami khü gui ah chang gui cu yeikyai nak om ci nei” cinetah leng ba mä ne, “Shin ah ng’thu cu Khanpughi ah ng’thu akcang ah kyak ci nei” cine na pyen nak ci.