THU PHLAAN 16:6 - Cho Bible Common Language 2016

⁶ Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

THU PHLAAN 16:6 Referans Kwoze

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

THU PHLAAN 11:18

Na m’lungshe nak ah a khin cu gawk law ne, Si pyi ci gui m’khoichaa nak ah akhin cun phi gawk law sei, m’dek chang gui cu m’lungshe ci gui nei. Bawipa ah akchangshäm gui, purofet gui, nak chang gui la ning kyih aa ci gui naw, a yaw a däm ah ciah, m’cümhnah nak ami gah nak vai ah khin gawk lawk ci nei. Khomdek shekat sak ciah chang gui, m’shet m’kat nak gui vai ah, a khin gawk lawk ci nei” ci ne Khanpughi ah maa ah ng’thu pyein ci gui.

THU PHLAAN 18:24

Babilon mang gaw ah dishum nak ah mawng cu purofet gui ah si, Khanpughi ah chang gui ah si, m’dek khan ung ami ngawn gui ah si gui cu cun ah mang gaw ung ali ah hmawk ah kyak ci.

THU PHLAAN 13:15

Ak htük ung khiküi ah agup am ghin nak peit nak hning cu ak hnih nak ah khiküi ung om ci. Cun ah kyasei a gup cu ng’thu ne ani kä khawihnah tuk ci gui cu m’sih gui hning ci.

2 GHANGPUGHANG GUI 24:4

aktung pi ah ani naw chang ni gui avan a ngawn gui ah phäh ah kyak ci. Cun ah phäh ah Bawipa naw Manasseh cu kä m’geinsei ci.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

THU PHLAAN 13:10

Ami phaa vai cu pha tuk cang khai gui, khim awn ami ngawn vai cu ngawn tuk cang khai gui, shin ah a mawng ung Khanpughi ah chang gui cu ng’düng ne bekhüt yawp ne ami om vai nei.

NG’ÄI KYAH 4:13

Cun ung phi cun cu kya tukcang ci, a i ah kyasei ci ung, ani ah prophet gui cu shekha u ne, ataigü gui cu cheishoh u ne, chang k’ni gui ah sih nak vai ah mawng ah kyak ci gui.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

JEREMIAH 26:16

Cun kawn ah angvai gui la chang gui naw taigü gui la prophet gui ami pyen nak gui cu, “Ani naw Bawipa mi khanpughi ah min gung mi khan ah ng’thu pyen ci; ani cu ngawn vai ah kä kyak ci.”

JEREMIAH 26:11

Taigü gui la prophet gui naw ami ng’vai gui la chang gui ami pyen nak gui cu, “Shin ah chang cu mi mang gaw hnungtuk ne ng’thu pyen ci kyasei ngawn vai nei, ani ah pyen cu nami hnga awn nami ng’yak ci nei.”

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

LUKA 12:48

Cun ung phi a bawi ah ng’yak hlü kä hmat netah katnak bik ciah chang läi cu geinvai nak api gah khai. Chimgein nak akdäm gah ciah chang cu abi vai akda om khai. Zum ne ngaih gep nak pi gah ciah chang cu abi vai akda pi om khai.

PHYAWN NAK 7:17

Tuhbäi ka bawi aw, Bawipa naw, ani a u ah a kyak la a i a bi law vai cu ning hmuh sak khai ah pyen ci. Teng ä, kei naw tui ah hmai cu shin ah ng’shopawng awn ka teei khai, tui cu si ah ng’lat khai.

PHYAWN NAK 21:24

mik ah phäh ah mik, ha ah phäh ah ha, kut ah phäh ah kut, khaw ah phäh ah khaw,

EZEKIEL 32:6

Kei naw nangmi ah si gui cu khomhtung gui ah khan avan ung ng’phiang ne, tuihta gui ung a be güt ka yuk lawn khai.