THU PHLAAN 16:21 - Cho Bible Common Language 2016

²¹ Khan ah kaa chuih vawh teih teih lawk ciah khawk’aa ng’ma gui kya lawk ci. Cun ah khawk’aa ung geinvai aih u netah, chang gui naw Khanpughi cu m’shetkat ne ng’thu ci gui.

THU PHLAAN 16:21 Referans Kwoze

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

THU PHLAAN 16:9

Chang gui cu cun ah ng’ling aih ci naw ui law gui khätah, leigaai gui ah khan ah a huham om ciah Khanpughi cu m’shetkat ne ng’thu ci gui. Cun ung phi ngami cu ami katnak ung phi kä ng’yu ba u ne, Khanpughi phi kä m’kümto ci gui.

THU PHLAAN 16:11

Cun ah ami hlut khei nak la ami m’neh m’awh nak ah hmawk ah mawpi Khanpughi cu m’shetkat ci gui. Cun ung phi ami mät ah cheishoh nak ung ka kä ng’hlat law ba ci gui.

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

JOSHUA 10:11

Amorit gui cu Israel gakap gui phlän ne dawng u sei, Azekah ah ami dawng nak ah lam pum ung Bawipa naw gäilung nu gui awn yuk chah shi gui ci. Akda pi cu Israel gui ah ngawn gui ah ta, gäilung ah ngawn gui ah kyak ci.

EZEKIEL 13:13

Tuhbäi shin cu uktu Bawipa ah pyen nei, “kei ka m’lungshe nak awn gaw pang plawk khai ah kho khinu, kho k’aa nu la gäi nu cu ka tüi lawk khai.

EZEKIEL 13:11

Prophet gui m’thein gui vä, ami pang gui kya lawk khai kyak ci nei. Kei naw kho k’aa nu ka chah lawk khai. Gäi nu gui akhan ah kya lawk khai, kho khinu naw phet ne khi lawk khai.

ISAIAH 8:21

Chang gui cu khaw ung ami m’lung thüi sei, ei cawi u ne ng’vaak khai gui. Ei ami cawi nak la ami m’lung ah shet nak awn, ami ghangpughang la ami khanpughi cu plah taam khai gui. Ngami naw khawmik cu k’dang khai guk.

ISAIAH 30:30

Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.

PHYAWN NAK 9:18

Tuhbäi, ngawi ung kei naw gääi nu ka chah lawk khai. Cun cu Egypt gui ah ng’shon ung kä ami ng’yak man ah kyak khai.

PHYAWN NAK 9:22

Cun kawn ah Bawipa naw Moses am, “Na kut cu khawmik ah han shäng ä, gääi cu Egypt khaw avan ung kya lawk khai chang gui, seime gui la geit gui avan ah khan ah kya lawk khai nei” cik ci.

JOB 38:22

Khüi toi la gäibawk thun ne ka gim nak ah nang na hteit man ne ang?

JOB 38:23

Kei naw cun gui cu khüikha nak ah a khin gui ah phäh ah mang ge vai ah ka gim nei, cun cu ng’tuk nak la sih nak ah hnüüp gui ah kyak ci nei.