THU PHLAAN 16:2 - Cho Bible Common Language 2016

² Akhtük bäih ah khankho chang naw a eikbei ungka cu m’dek khan ah yuk huk khätah ah m’hnüt nak gah ci gui la ani ah a gup khawihnah ciah chang gui cu, ang htei ah ami m’neh m’awh vai ah hlut ne khei lawk ci gui.

THU PHLAAN 16:2 Referans Kwoze

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

THU PHLAAN 16:11

Cun ah ami hlut khei nak la ami m’neh m’awh nak ah hmawk ah mawpi Khanpughi cu m’shetkat ci gui. Cun ung phi ami mät ah cheishoh nak ung ka kä ng’hlat law ba ci gui.

THULÄÄN NAK 28:27

Bawipa naw Egypt chang gui ung abi ah mäih ah nami khan ah hlut nak chah lawk khai. Ani naw nami pumsa cu pyuut awn ning cheiuh gui khai. Nangmi cu vawi bäng ah nami kyak khai. Ning m’thak gui khai, cun ung phi m’tui nak vai kä om khai.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

ISAIAH 3:17

Cun ung phi kei naw ka m’kyuk gui khai-kei naw ami lu k’teiu pe gui ne, a luplup ah ka nawng gui khai.”

2 SHONTÄP NAK 21:18

Shin gui avan a kyak awn ah Bawipa naw ghangpughang ah a cih ung nat nak pek ci.

2 SHONTÄP NAK 21:15

Nang na mät phi nak chikhawn ung m’neh nak om khai, cun cu a hnüüp tä sei ka law pi täi khai.

1 SAMUEL 5:9

Cun ung phi cun a gawk awn ah Bawipa naw cun ah mang gaw cun phi m’kyuk ne, akdämduh ah düngkyong sak gui ci. Ani naw sa ng’khe nak awn m’kyuk gui sei, mang gaw ung chang avan aghi ak hmaw gawk yawp ci.

1 SAMUEL 5:6

Bawipa naw Ashdod chang gui cu akda vei m’kyuk gui ne, kyihkyawk sak gui ci. Ani naw ngami m’kyuk gui ne, ami khaw veing chang gui phi ami sa ung ng’khe khai ah taam gui ci.

THULÄÄN NAK 7:15

Bawipa naw nat nak avan ung ning shungvong gui khai. Egypt khaw ah nami bui awt ah mäih ah nui aih ciah nat nak cu nangmi ah khan ah kä law püi khai. Cun ung phi nami ga gui ami van ah khan ah law püi khai.

ISAIAH 3:24

Tui ng’ui ami mang nak vaisü ung ngami cu thuk khai gui; kheipat ak kyom nak vaisü ung gui k’ghat awn ng’pat khai gui; ak kyom ami lusam nak vaisü ung ami lu ng’plut khai; sui k’ni ami sui nak vaisü ung suishe sui khai gui; Ami kyom nak cu ng’aa nak vai ah ng’lat khai!

SAM 78:26

Ani naw kiang khokhi cu ng’hlah sak ne, a huham awn htum khokhi cu m’tho ci;

THU PHLAAN 14:16

Cun ah kyasei ng’mei bawk ung ngok ci naw, a sangsawn awn khomdek khan cu yuk pai ne geit cu khäm ci.

THULÄÄN NAK 28:35

Bawipa naw na khalek gui cu m’tui ne kä gah vai ah nak ciah hlut awn be sak khai. Na lu ungka naw na khaw ung khüt sei khei bäng ah kyak khai.

THU PHLAAN 13:12

Ani naw dang law htük ciah khiküi ah m’gäi nak huham cu amät ah ma ah mang yawp ci. Ani naw asih nak vai ah aleim khan ba ciah khiküi cu, khomdek la khomdek chang avan-am liing ne khawihnah sak gui ci.

THU PHLAAN 14:9

Akthum nak khankho chang naw maa lawk ci goi cu läk law goi netah, “Khiküi la ani ah gup khawihnah ne ani ah m’hnüt nak cu alu ung baw, a kut ung baw gah ciah chang cu;

THU PHLAAN 16:1

Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.