THU PHLAAN 16:16 - Cho Bible Common Language 2016

¹⁶ Cun kawn ah mümcha gui naw ghangpughang gui cu khü gui yawp u ne, Hebrew ng’thu awn Armakeddon ami ci nak ah hmun ah k’bum gui ci gui.

THU PHLAAN 16:16 Referans Kwoze

ZEKHARIAH 12:11

Cun ah khin ung Jerusalem ah thüi kyah nak cu Mekiddo khawdo ung Hadad Rimmon ah hmawk ah thüi kyah ah mäih ah dämduh khai nei.

SUKI GUI 5:19

Mekiddo tui-kem, Taanakh ung ghangpughang gui law ne tu lawk ci gui: Kanaan ghangpughang gui naw tu lawk ci gui, cun ung phi ngami naw a i ngui phi kä püi ci gui.

THU PHLAAN 9:11

Ngami ah ghangpughang cu m’hte lungkhui uk ciah khanchang ah kiakci. Ani ah ming cu Hebrew ng’thu awn Abaddon, Karik ng’thu awn Apollyon ah kyak ci, (cun cu m’di ci, ciah kyak ci.)

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

JOHAN 19:13

Cun ami cicu Pilat naw ng’ya netah, Bawipa Jesuh cu ak pung ah luh law püi ba netah, lung ami pyan ah bawi ah ngoh nak ung ngok ci. (Cun ah cu Hebrew ng’thu awn Gabbatha) ah pyein ci gui.

LAMKTU 26:14

Acun vai am kami van kyu ne m’dek ung kami ng’yän ci. Cun kawn ah Hebru ng’thu awn, “Soul, Soul! A i ah kyasei kei nah na k’dudeiu nak ang? Vantang naw a mah ah thah htung ak peh ah mäih ah, nang naw htung m’shum cu nak peh ung na mät ung nak khai nei” ciah k’aw cu ka ng’ya ci.

JOHAN 19:17

Bawipa Jesuh cu kutlamtung kawt ne, ‘Luguh Hmun’ ami ci nak ah hteit ci.

JOHAN 5:2

Jerusalem pigaw hto m’kawt pei ah ng’phoh hma ah ami ng’vong ah tuili tumat om ci. Cun cu Hebru ng’thu awn ‘Bethyatha’ ah pyein ci gui.

SUKI GUI 4:7

Kei naw Jabin ah gakap ung gabawi S esera cu ka law püi khai, ani naw kishon tuinu ung ning tuk püi gui khai. Ani ung yatha gui la a gakap gui om khai, cun ung phi ani ah khan ah nami näng nak, ka ning pe gui khai!”

2 SHONTÄP NAK 35:22

Cun ung phi Josiah naw ng’tuk vai ah k’bäi pyi ci. Ghangpughang Neko ung Khanpughi naw ng’thu a pyen cu ani naw kä ngai ci, cun ah kyasei ani naw amüi khukhlat ne Mekiddo khawdo ung ng’tuk bik ci.