THU PHLAAN 16:1 - Cho Bible Common Language 2016

¹ Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.

THU PHLAAN 16:1 Referans Kwoze

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

THU PHLAAN 15:1

Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

JEREMIAH 10:25

Nang kä ning khawihnah ci gui ah pakhui gui la nang ning hnu nak ciah chang gui ah khan ah na m’lungshe nak cu ng’hlah sak ä. Ngami naw na chang gui ngawn ci gui; Ngami naw keimi cu akbe ah na m’di gui ci gui, Kami ah khaw cu m’di shüt ci gui nei.

THU PHLAAN 16:17

Akchih nak ah khankho chang naw, a eikbei ungka cu khawkhi ung yuk huk khätah pum im kyong ah mangkiaang ungka “Bi pyi ci nei” ciah k’aw cu ng’shan lawk ci.

SAM 79:6

Kä ning khawihnah ciah pakhui gui ah khan la kä ning taigü ciah chang gui ah khan ah na m’lungshe nak cu ng’hlah püi ä.

EZEKIEL 10:2

Khanpughi naw linen sui sui ciah Chang am a pyen nak cu, “khiküi gui ah aka ah ping gui ah ng’lak ung hteit neta na kutung be khai ah meicak gui la ä. Cun kawn ah mang gaw ah khan ah phiang ä” ciah kyak ci. Ani cu kei ah ma ung hteit ci.

THU PHLAAN 14:18

Cun kawn ah mei ah däi ciah khankho chang tumat cu sonkiang ungka lut lawk ci. Ani naw sangnawn kawt ciah khankho chang-am, “Na sangsawn awn khomdek khan ah sapyit gui cu yuk khäm ä, up yawp pyi ci gui nei” cine m’lau ci.

THU PHLAAN 14:15

Ahei khankho chang tumat cu pum im ungka lut law netah, ng’mei bawk ung ngok ci-am, “Khomdek khan ah geit hmin pyi ci, khäm vai ah khin gawk lawk ci kyasei, na sangsawn awn aat ne khäm ä” cine m’lau ne pyein ci.

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

1 SAMUEL 15:18

ani naw thu k’bäi ne Amalek changshe gui m’di gui vai ah a ning tüih ah kyak ci. Ami van kä na ngawn gui pha ah chuih na tuk gui vai ah a ning m’thein ah kyak ci.

EZEKIEL 22:31

Cun ah kyasei kei naw ngami ah khan ah ka m’lungshe nak zuh lawn ne, ngami ah ami bi phung cu mei ah mäih ah kya ne ka m’di khai.” Uktu Bawipa naw a pyen nei.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.