THU PHLAAN 15:6 - Cho Bible Common Language 2016

⁶ Leigaai mawng chih law püi ciah khankho chang pachih cu pum im ung kaa lut lawk ci gui. Ngami cu pä suinu a bawk sui u ne, ghui m’ciu bäng bäng vawp ci gui.

THU PHLAAN 15:6 Referans Kwoze

THU PHLAAN 1:13

cun ah mei-im gui ah ng’lung ah hnicim chang ah mäih tumat cu ka hmuk ci. Ani cu akhawphaa yuk pha khai ah suinu sui ne, ghui m’ciu vawp ci.

THU PHLAAN 15:1

Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

THU PHLAAN 14:15

Ahei khankho chang tumat cu pum im ungka lut law netah, ng’mei bawk ung ngok ci-am, “Khomdek khan ah geit hmin pyi ci, khäm vai ah khin gawk lawk ci kyasei, na sangsawn awn aat ne khäm ä” cine m’lau ne pyein ci.

LUKA 24:4

Cun ah kyasei ngaih-tüh khit u ne ami kyak yah ung, pyü ne khang sei suisak ciah chang hnih cu ami ma ah ang ghit ah ng’dang lawk ci goi.

DANIEL 10:5

Kei naw hang mang neta linen sui sui ne, ghui ni kheipat pat ciah chang tumat cu ka hmuk ci.

THU PHLAAN 14:17

Cun kawn ah khanmawpi pum im ung kaa, a hei khankho chang cu lut lawk ci. Ani naw phi ghaat ciah sangsawn cu kawt ci.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)