Biblia Todo Logo
Bib sou entènèt

- Piblisite -




THU PHLAAN 15:3 - Cho Bible Common Language 2016

3 Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

Gade chapit la Kopi




THU PHLAAN 15:3
49 Referans Kwoze  

Bawipa ah abi gui cu cäi aih vai kyak ci nei! Ani ung tuihlim ci phung naw a cun ah mawng gui cu hmuhmat hlük ci gui.


Nang cu ka ning m’tam ci, a i ah kyasei ci ung nang cu kyih aa vai na kyak ci; Nang ah na bi phung cu a hlü hlü ah cäicat vai kyak ci. Kei naw cun cu ka m’lung kyong avan awn ka hmat ci.


Bawipa cu a bilawh nak avan ung düng ne, a hnünthawh nak avan ung m’gein ci.


Moses cu Khanpughi ah im kyong ah ak changshäm ah kya ne bekhüt ne om ne, ma lam ah Khanpughi ah thu law vai gui cu, ana pyein law ma ci.


Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.


Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.


Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.


Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.


Bawipa cu nik ci; A m’hni nak cu ng’täi ci, Ani ah bekhüt nak cu kä ng’pyi hlawt phung ci nei.


Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.


Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.


Cun ah chang 144, 000 gui cu mangkiaang ni, khiküi paphli ni, aghaampa ni gui ah maa ah ng’düi u ne ng’äi ak thai cu m’cu ci gui. Hniciim chang avan ungka ngami bäng cu a ghü gui ah kyak sei cun ah ng’äi cu ngami bäng naw m’cu thei ci gui.


Cun kawn ah Moses naw ang äi cu m’cu sei, Israel chang avan naw ngai ci gui.


Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.


“Yanta, tuhngawi, ngawi yä ghing ne om ciah Hlüngtai pi bäih ciah Bawipa Khanpughi Küikyang ciah na hlüngtai nak awn na uk pyi ciah kyasei, Kami ning yeikyai nak ci nei!


Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.


Acu ah gawk neta ani naw ang ä nak awn, “Daniela, ghing ciah Khanpughi ah chang shäm! Nang naw bekhüt aih ne nang ap nak ah Khanpughi naw, phongkawng ah ei nak vaisü ung ning phiawn ne ang?” cik ci.


Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.


Chang gui naw m’gäi ciah na bilawh gui cu pyen khai gui, kei naw na dämduh nak cu ka ng’shäu khai.


M’gäi ciah ghangpughang, nang naw düng nak la nikiom nak cu na law püi ci.


Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.


Cun ung phi Bawipa cu mang gaw om sang ci, ang düng bang bik ci, akshe phung kä bik ci. A ngawi tä sei kä m’chüh en ah chang gui ah om nak ah taga nak cu law püi ci. Cung phi kä ng’düng ciah chang gui naw akshe bi vai k’pang u ne, kä ng’aa ci gui.


Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.


Nangmi, Abraham akchang shäm ah ning shon gui; nangmi, Jakob akchang gü ah ning shon gui. Khanpughi naw cäiaih vai gui a bi cu shüm vä, m’khoi m’cha nak a ning pek gui cu hmat vä,


Egypt khaw, Zoan hmun ung, ami pupa gui ah ma ah Khanpughi naw cäi aih vai gui cu m’dang te ci nei.


Ani ah bi ah dämduh ciah amawng gui cu mikmi naw kä mi hmat ci, ani naw cäiaih gui vai abi cu kä ng’pyi hlawt ci.


Cun ah kyasei ani naw ami ng’vai Jehoiada cu khü neta angshi cu, “Bawipa naw a om nak ah phung ah phäh ah chang gui naw ami pek vai ah Bawipa ah changshäm, Moses naw akthäh ah k’phlam cu a i ah kyasei Judah la Jerusalem ung Levit gui am kä nami loh sak gui ang?”


Aaron la a hta ng’shon gui naw tui ng’ui douthak nak la sonkiang ung m’khih ne khawihnah nak cu douthak ci gui. Ngami cu Atheingcim Pikbäih Hmun ung khawihnah avan la Israel gui katnak Khanpughi naw amgeinsei gui vai ah khawihnak nak ung bilo ci gui. Ngami naw shin gui avan cu Khanpughi ah changshäm, Moses ah m’shümthein ah mäih ah bik ci gui.


Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.


Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.


Na ng’chiin nak hnüüp cu theingcim khai ah ami k’pan vai ah na m’theingthang gui ci, Na ng’thukhän gui cu na changshäm Moses ung na pe gui ci.


Cun ah kyasei Bawipa ah a changshäm Moses cu, Bawipa naw asih vai ah a pyen ah mäih ah Moab khaw ung sik ci.


Kei naw Bawipa ah ming ka m’hlüngtai khai, a chang gui naw ani ah dämduh nak cu pyen khai gui.


Moses naw a ning thumkhän gui ah thukhän cu ng’hteicha khai ah nami läk vai. Bawipa nami Khanpughi cu nami m’hni vai, angyak hlü ami bi vai, ang thumkhän nami läk vai, ani ung nami bekhüt vai, nami m’lung kyong ghin nak avan awn akhuut nami bi vai” cine m’cäi gui ci.


Ani naw a bilawh ah phäh ah ak phlüt sei m’hlüng m’tai ci. Nangmi naw phi ani cu nami m’hlüngtai vai nei.


Khanpughi ah bi cu kümbe ci! Ang’thu cu ng’düih nak ah kyak ci. Ani shui ne ng’yii ci gui ah hmawk ah shawi ah kya ci.


Bawipa, na bi lawh gui cu küikyang aih ci nei! Na ngaih-tüh gui phi thuuk aih ci nei!


Ani cu a bi nak phung ung bekhüt ne ng’düng ci; ang thu pyen gui phung cu khäng ci.


Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.


“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.


Swiv nou:

Piblisite


Piblisite