Biblia Todo Logo
Bib sou entènèt

- Piblisite -




THU PHLAAN 15:1 - Cho Bible Common Language 2016

1 Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

Gade chapit la Kopi




THU PHLAAN 15:1
21 Referans Kwoze  

“Cun güt ung phi nangmi cu ng’lüm lä u ne, kei na läk vai ah nami maa ah a kyak ung, kei naw ka ning m’kyuk nak gui cu ak chih ah ka han m’däm ba mä khai.


Leigaai mawng chih awn be ciah eikbei chih kawt ciah khankho chang pachih ungka tumat cu kei ah law netah, “Law ä, Htomehta ah k’chu vai ah ng’laamihta cu ka ning m’hnuh khai nei” ci ne pyein ci.


Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.


Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.


Cun ah kyasei cun ah khankho chang naw, a sangsawn awn khomdek khan ah sapyit gui cu aat ne k’bit ne, am theih gui cu Khanpughi ah m’lungshe nak ah kyak ciah sapyit neen nak ah khui ung m’tawk yawp ci.


Khanpughi ah m’lungshe nak ah khap ung kaa, nuipi ciah am lungshe nak ah kyak ciah sapyit tui cu awk khai nei. Cun awk ciah chang cu theing ciim ciah khankho chang la Htomehta ah maa ah yaam mei awn huut ne dukdeiu nak gah khai gui nei.


Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”


Akhnih nak ah kyuihkyawk nak cu ng’pyi pyi ci, akthum nak ah kyihkyawk nak cu gawk law ba ge khai.


phongkawng ah m’ngaw ah mäih ah thüng sei ng’khü ci.


Cun kawn ah phyungheng chih kawt ciah khankho chang pachih cu, tum ge vai ne pawng ci gui.


Cun kawn ah kei naw han teng netah, khankho k’häu ung yong ne ng’väi ciah vanbuuk hmu cu ka hmuk ci. Cun ah hmu naw, “A hei khankho chang pathum naw ami tum law vai ah phyungheng thum ah k’aw awn khomdek khan ah om ciah ak ghing gui cu, kyihkyawk nak, kyihkyawk nak, kyihkyawk nak om khai nei” cine pyein sei ka ng’yak ci.


Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.


Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.


Khankho chang pachih ungka eikbei chih kawt ciah khankho chang tumat cu kei ah law netah, “Lawä! Tuinu gui ah pei ah ami sak ah mang gaw ah kyak ciah pletbeng ciah hnumi ami m’shetkat law cu ka ning hmuh sak khai nei.


Swiv nou:

Piblisite


Piblisite