THU PHLAAN 14:4 - Cho Bible Common Language 2016

⁴ Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

THU PHLAAN 14:4 Referans Kwoze

THU PHLAAN 3:4

Cun ung phi Sadis gawnu ung asui theing sak ci api om ci. Nangmi cu nami khin khaa ci kyasei, sui bawk sui ne kei awn, nami hteit hton tu ghawm khai nei.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

SAM 74:2

Na chang gui shüm ba gui ä, a cau na mät naw na ghü gui ah kyak ci, changshäm ungka na mät ah pakhui ah na law püi ba gui ah kyak ci. Zion m’htung cu shüm ba ä, a cau na om nak te ah kyak ci.

1 KORIN 6:20

Khanpughi naw a phu pe ne a ning khleih gui ah kyak ci, cun ah kya sei, Khanpughi ah bämang nak ah hmawk ah nami pumsa cu nami mang vai nei.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

JEREMIAH 2:3

Israel gui, kei bäng naw nangmi ka ning ka na gui ci; Nangmi cu theingcim ciah kei ah ka ah nami kyak ci. Kei naw nangmi ning natsak gui ciah chang nü ah khan ah, yai ca nak la leigai ka tui lawk khai, Kei, Bawipa naw ka pyen ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

EPHESIAN 1:14

Cun ah Mumcha Theing cu Khanpughi naw ak chang gui-am apeit ah shaitaak cu mi gah vai ah ang kyän nak ah kyak ci. Cun ah kyasei Khanpughi naw, amät ah chang gui-am kümbe ciah phiawn nak, na pe gui ci, cicu ngaih gep vai kyak ci. A bämang nak cu mi m’kümto khai nei!

1 KORIN 16:15

Nangmi naw Stephanas la ak kyong ungka gui cu nami hmat ci. Ngami cu Achaia kho ung khritha ah kya law ma ci gui ah kya ne, Khanpughi ah chang gui ah hmawk ah bi bi vai ah ng’ap ci gui ah kyak ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

JOHAN 13:37

Peter naw, “Bawipa, a i ah kyasei tuhbäi kä ka ning läk hlawt vai ang? Nang ah hmawk ah ka ghin nak phi ka pek khai nei” ci ne pyein ci.

MATTHE 25:1

“Cun ah akhin ung Khanpughi ah uknak kho cu shin ah mäih ah kyak khai. Hnü ät ung lamihta singhga cu chumah khai ah pamihta dou khai gui ah mei im kawt sek sek ne hteit ci gui.

MATTHE 8:19

Thukhän saya tumat cu law netah, “Bawipa na hteh nak päng ah ka ning läk tuk khai nei,” cine kyak ci.

SOLOMON NG’Ä~ 1:3

Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

1 KORIN 7:28

Na chumah ah a kyak ung phi, nang cu katnak na bik ciah kä kyak ci; kä ceimah phak ciah hnumi hta a ceimah cun phi katnak bik ciah kä kyak ci. Cun ung phi chuceimah ciah chang gui naw ak hnüüp tä ami bui awt ah yaica nak gui cu nami phiawn nak vai ng’ya hlü ne ka pyein na kyak ci nei.

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

SOLOMON NG’Ä~ 6:8

Ghangpughang ung akchu chukkip, akchu ba cheit kip, hnumi hta gui kä khei tai vai om ci!

SAM 45:14

Cüi ciah pänsam awn ani cu ghangpughang ah hteh püi ci gui. A hnu ah hnumi hta gui naw läk law ci gui, ngami phi ghangpughang ah ami hteh püi gui.

MATTHE 19:12

Chang gui kä ami chu cei mah hlawt ah mawng akda om ci; am shah gui cu aming tüi püi ge ah kä chu cei mah hlawt ci gui, am shah gui cu chang naw plawh gui sei kä chu cei mah hlawt ci gui, am shah gui cu Khanpughi ah kho ah hmawk ah kä chu cei mah ci gui, kä chu cei mah ah om hlawt cicu acun ah om sä,” ci ne kiak na gui ci.

EPHESIAN 5:27

Krihtabum naw ani ung ang ap law ba ung, ak kyom yüm yüm ah, alelawi, ak shekha kä om sei akümbe athangpai vai ah hmawk ah kiak ci.

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

THU PHLAAN 21:22

Cun ah mang gaw ung pum im cu kä ka hmuk ci. A i ah kyasei ci ung, cun ah pum im cu hlüngtai pi bäih ciah Bawipa, Khanpughi la Htomehta ah kyak ci.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.