THU PHLAAN 14:2 - Cho Bible Common Language 2016

² Khanmawpi ah ng’güüt ciah tuinu la khaw ng’hmum ah mäih ah ng’shan ciah k’aw cun phi ka ng’yak ci.

THU PHLAAN 14:2 Referans Kwoze

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

THU PHLAAN 1:15

A khaw cu mei ung m’hling ne m’tui ah kyeicee ah mäih ah tui ne ak aw cu tuinu gaai ne ang hüüt ah mäih ah ng’hmum ci.

THU PHLAAN 15:2

Cun kawn ah mei awn ng’caw ne k’tolung k’phlai nu ah mäih lawk ci cu ka hmuk ci. Khiküi ni, amät ah gup ni, ming khei nak khäm ci gui ni, ah khan ah näng nak gah ci gui cun phi ka hmu gui ci. Ngami cu Khanpughi ah peit gui ah tingtäu kawt u ne, ktoulung k’phlai ah mäih tuinu pei ah ng’düi ci gui.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

EZEKIEL 43:2

acun ung Israel Khanpughi ah dei ne ng’shü ciah akhang cu ak kyang täng ah ka law sei kei naw ka hmuk ci. Khanpughi ah ak’aw cu tuinu ah ng’güt ah mäih ah ng’hmum ci, khomdek khan cu dei ne khang ci.

SAM 33:2

Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.

2 SAMUEL 6:5

David la Israel chang van cu aktung ah ng’lam ne ng’äi ne Bawipa cu m’tamkhah ci gui. Ngami cu tingtäng, mawng cha, k’hting, k’phyung heng, ng’sheei gui cu tum ci gui.

PHYAWN NAK 19:16

A hnüüp thum hnüüp khaw ngawi hta ah khaw ng’hmum ne lailäp sei, m’htung khan ah ng’mei ng’thong dang lawk ci, ng’shan ciah phyungheng tum cu ng’yak ci gui, phung ung om ciah chang gui ami van ng’hlet ci gui.

THU PHLAAN 18:22

Nang ungka tingtäu tum k’aw, phiphät phyungheng k’aw gui phi kä ng’yak ba vai nei. Bi bik ci gui phi kä hmuh ba vai, lungkhiing ah ng’ghin phi kä ng’yak ba vai nei!

THU PHLAAN 11:12

Cun kawn ah purofet goi-am, “Shin ung kai law nä” ciah khankho ah m’lau ne ng’khü ah k’aw cu thang lawk ci. Ngani cu gaa gui naw ami teng goi ah chung ung, khawmei ng’cum ne khankho ah kai ci goi.

THU PHLAAN 6:1

Cun kawn ah Htomehta naw mhnüt nak pachih ungka ak htük bäih cu khawk ne hmawng sei ka hmuk ci. Khiküi paphli ungka tumat naw khaw hmum ah mäih ah ng’shan ciah ak aw awn, “Lawä” a ci cu ka ng’yak ci.

THU PHLAAN 1:10

Bawipa khawihnah nak hnüüp ung Mumcha cu kei ah khan ah kyum law khätah, k’phyungheng tum ah mäih ah ng’thu k’aw cu ka hnu lam ah ng’shan law sei ka ng’yak ci.

SAM 93:4

Bawipa naw hlüngtai ne khan kho cu uk ci, Ani cu tuinu ah gaai ah mä dämduh pi ne, tuinu ah ng’hnawh ata hlüngtai pi ci nei.

SAM 92:3

gui awn pyan ah tum khawn la ak aw nik ciah tingtäng tum ne ning m’taam cu bä aih ci nei.

SAM 57:8

Ka mümcha, Tho law! Ka tingtäng la ka phyung heng tho law vä! Kei naw nu k’hni ka m’tho khai nei.

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

ISAIAH 17:13

Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.

SAM 98:5

Bawipa cu ng’äi m’cu ne m’taam vä! Tingtäng tum ne k’hting k’bei vä!

PHYAWN NAK 20:18

Chang gui naw khaw hmum la phyungheng ah ng’gin cu ng’ya u ne, khaw lailäp la mei ah khu ciah m’htung cu hmu u neta, kyi ne ng’hlet ne, ang shawng ah ng’düi ci gui.

SAM 147:7

M’tam nak ah ng’äi cu Bawipa am m’cu vä; mi Khanpughi cu m’tam ne tingtäng tum vä.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

1 KORIN 13:1

Kei cu m’dek chang ah thu a hlü hlü la khanchang ah thu ah ka ng’thu thei ung phi, m’hni nak kä a om ung, tum bä ung ng’ging ciah k’bei la ng’sheei ah mäih ah ka kyak ci.

2 SHONTÄP NAK 20:28

Ngami cu mang gaw ah ami gawk law ung phyungpuuk la phyungheng gui tum u ne Taigüim ah hteit ci gui.