THU PHLAAN 14:1 - Cho Bible Common Language 2016

¹ Cun kawn ah han teng ba netah Zion khomhtung khan ah Htomehta ng’düi sei ka hmuk ci. Amät ah ming la Apa ah ming ami m’calai ung ami guk ah chang 144, 000 gui cu ani awn a täng ah om ci gui.

THU PHLAAN 14:1 Referans Kwoze

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

LUKA 12:8

“Kei naw akcang ka pyein cu, chang ah maa ah, kei ah chang ah pyein ne, amät ng’kiaa ciah chang cu; khankho chang ah maa ah, Chang ah Htapa naw, amät ah chang ah pyein ne ng’kiaa pek khai.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”

ROMAN 9:33

Cacim Theing ung; “Teng vä, chang gui naw ami ng’vawn nak vai ah, lung tumat cu Zion m’htung khan ah ka m’shän khai nei, Chang gui cu cun ah lung ung ng’vawn ne ng’täng khai gui nei. Cun ung phi Lung ah kyak ciah Bawi Khrit yum ciah chang gui cu, a i yah ung phi ami thüisei nak kä om khai nei,” ciah om ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

THU PHLAAN 14:14

Cun kawn ah han teng ba netah, khongmei bawk tumat cu ka hmuk ci. Cun ah ng’mei bawk ung chang ah mäih lawk ci, tumat ngok ci. Ani cu alu ung lukhu ng’büng ne, a kut ung ghaat ciah sangsawn kawt ci.

THU PHLAAN 15:5

Cun kawn ah khanmawpi ah om ciah pum im kawt cu ng’hmawng sei ka hmuk ci.

ISAIAH 49:14

Cun ung phi Jerusalem chang gui naw pyen ci gui, “Bawipa naw na nawng gui ci nei! Ani naw na m’hnih gui ci nei.”

THU PHLAAN 6:8

Kei naw teng netah, ng’se amvaw tumat cu ka hmuk ci. Cun ung ng’cum ciah ang ming cu sihnak ah kyak ci. Ani ah hnu ah m’htei khaw naw läk lawk ci. Ngami naw khomdek ah khan, k’bum phli ung kaa k’bum ät ung om ci gui cu, ng’tuk nak, khaw ah yaw nak, lei ah sou nak, ng’plouh ah kiun nak, gui awn sihnak vai ah huham cu gah ci gui.

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

ZEKHARIAH 4:2

“A i ang na hmuh?” cine na ng’shik ci. Kei naw, “Ghui awn pyan ah mei-im ng’düi ka hmuk ci nei ka cik ci. A khan bäih ah situi k’am om ci. Mei-im ng’düi khan ah mei-im chih om ci. Cun gui cu mei-ca chih awn ami pyan bäng bäng ah kyak ci.

AMOS 8:2

Bawipa naw, “Amos, a i ang na hmuh?” cik ci. Kei naw, “Sing theih dawn tumat” ka cik ci. Bawipa naw kei am, “Ka chang Israel gui ah phäh ah ak hnu bäih akhin cu gawk lawk ci nei. M “Kyuk nak gui vai ah mawng ung kei naw ka m’lung kä ka m’thawng ba khai.

DANIEL 12:5

Cun kawn ah chang hnih cu tuinu ah kem ung vangtäng tumat ciah ng’düi ni sei ka hmuk ci.

EZEKIEL 44:4

Cun kawn ah cun ah chang naw, a siiptäng m’kawt ungka naw Taigüim düma ah na hteh püi ci. Kei naw teng neta, Bawipa ah Taigüim cu, amät ah bämang nak ah akdei awn be sei ka hmuk ci. Kei cu m’dek ung ka hmai gawk khai ah ka ng’bawk ci,

EZEKIEL 10:1

Kei naw khi küi gui ah lu khan ah vai lang cu teng neta, lungsen awn pyan ah mangkiang ah mäih cu ka hmuk ci.

EZEKIEL 8:7

Ani naw akpung täng kyong valuh nak ung na hteh püi neta, k’paang ung khui tumat cu na m’hnuh ci.

EZEKIEL 2:9

Kei naw kei täng ah a kut shäng lawk cicu ka hmuk ci awn naw cak chaw kawt ci.

EZEKIEL 1:4

Kei naw hang mang neta a siiptäng ah ka puikho khi law sei ka hmuk ci. Khongmei akdäm ungka kho lai läp ne ng’shü law sei khomik cu ng’veing ne khosing thek ci. Kho laitäp ne adei nak ung kyei ah mäih lawk cicu ng’shü ci,

JEREMIAH 1:11

Bawipa naw na ng’shik ci, “Jeremiah, a i ang na hmuh?” Kei naw m’shang ne, “Amon sing ban ka hmuk ci nei” ka cik ci.

EZEKIEL 10:9

Cun kawn ah ping phli, ami van täng ci gui, khikui tumat ah pei ah tumat ci om sei ka hmuk ci. Ping cu pyülung ah mäih ah vai ci. Ping tumat ci ung ak pat täng ah yuk kang ciah ping tumat ci om ba ci.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

THU PHLAAN 14:3

Cun ah chang 144, 000 gui cu mangkiaang ni, khiküi paphli ni, aghaampa ni gui ah maa ah ng’düi u ne ng’äi ak thai cu m’cu ci gui. Hniciim chang avan ungka ngami bäng cu a ghü gui ah kyak sei cun ah ng’äi cu ngami bäng naw m’cu thei ci gui.

THU PHLAAN 22:4

Ngami naw Bawipa ah hmai cu hmuk khai gui, ani ah ming cu ami m’calai ung guk pe gui khai.