THU PHLAAN 13:8 - Cho Bible Common Language 2016

⁸ Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

THU PHLAAN 13:8 Referans Kwoze

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

THU PHLAAN 17:8

Cun ah khiküi cu, ayan a ghin te ung phi tuhbäi kä ghing ba ci nei. Ani cu m’hteilung khui ungka lut law netah, m’di nak gah lawk khai nei. Khomdek khan kä a tüisho pha ge ung, ghin nak cauk ung ami ming kä guk tu ah khomdek chang gui naw, cun ah khiküi ami hmuh ah a kyak ung cäicat khai gui nei. Ani cu ayan ghing te ci, tuhbäi kä ghing ba ci, cun ung phi ghing ne dang law ba khai.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

THU PHLAAN 5:12

m’lau ne ng’äi ami m’cu cu; “Ami ngawn ah htomehta cu, Hlüngtai nak, bühmang nak, cüivai nak, khüighaat nak, Chang m’sui nak, bäkhäk nak, la m’kümtou nak, gui cu gah khai ah khin khaa ci nei” ciah kyak ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

LUKA 10:20

A i gaa phi nami khan ah gawk lawk khai, cun ung phi khoshe nami m’khüt näng ah phäh ah kä yeikyai vä, khankho ah nami ming guk pyi ah phäh ah yeikyai vä” cik ci.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

PHYAWN NAK 32:32

Na bä ni, ami katnak m’geinsei gui ä; kä na m’gein gui vai ung, na chang gui ah ming na guk nak ah ca-uk ung kei ah ming cu na pheng vai nei” cik ci.

ISAIAH 4:3

Jerusalem ung ghing ne on ba ciah chang nü. Khanpughi naw k’pawih khai ah a ghü gui cu theingüim ciah khü gui khai gui.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

THU PHLAAN 12:15

Shawk naw, cun ah hnumi cu tui naw a hteh vai ah am gawng awn tuinu ah ng’tat ne lawng khai ah muh ci.

ATÜNNAK 22:7

Isaak naw, “Pa awi, nikni ung mei la sing om ci, cun ung phi khawihnah nak vai ah htawme cu a hawi ang, cine ng’shik ci. Abraham naw, “Ka hta awi, Khanpughi naw na pe gui khai nei” cik ci. Ngani cu k’täi ne hteit ci goi.

SAM 69:28

Ghin nak ca uk ung ka, ami ming cu, phiet gui ä; Na chang gui ung kä ng’käng-en tu u sä.

THU PHLAAN 5:13

Cun kawn ah khankho, khomdek, khomdek ah kaa la tuinu ung la khaw ah kaa, m’dek ah khan ung om ciah akghing ak’om nici naw; “Mang kiang ung ngok ciah Bawimang la Htomehta cu, M’kümtou nak, chang m’sui nak, bämang nak, hlüngtai nak, cu ng’shon päng ung om sä” cine ng’äi ami m’cu cu ka ng’yak ci.

THU PHLAAN 6:1

Cun kawn ah Htomehta naw mhnüt nak pachih ungka ak htük bäih cu khawk ne hmawng sei ka hmuk ci. Khiküi paphli ungka tumat naw khaw hmum ah mäih ah ng’shan ciah ak aw awn, “Lawä” a ci cu ka ng’yak ci.

THU PHLAAN 13:12

Ani naw dang law htük ciah khiküi ah m’gäi nak huham cu amät ah ma ah mang yawp ci. Ani naw asih nak vai ah aleim khan ba ciah khiküi cu, khomdek la khomdek chang avan-am liing ne khawihnah sak gui ci.