THU PHLAAN 13:7 - Cho Bible Common Language 2016

⁷ Ani cu Khanpughi ah chang gui tu ne näng nak gui vai la akhaw päng ung a hlü hlü ah ng’thu ciah khui päng pa päng uk nak vai ah huham cu gah ci.

THU PHLAAN 13:7 Referans Kwoze

DANIEL 7:21

Kei naw ka teng sangung cun ah ki naw Khanpughi ah chang gui cu ng’tuk püi gui ne, näng gui ci.

THU PHLAAN 11:7

Ngami ah ng’thu ng’shäu ang pyi ah a kyak ung, m’htei lungkhui ung kaa khiküi lut law ne, ngami cu ng’tuk püi gui ne, näng gui ne ngawn gui khai.

THU PHLAAN 12:17

Cun kawn ah shawk cu ang htei ah m’lungshe netah, k’pawih ba ciah hnuminu ah a hta ng’shon gui ah kyak ciah Khanpughi ah ng’thukhän läk ci gui la, Bawipa Jesuh ah dang sak ah düng nak ung bekhüt ci gui cu, ng’tuk püi gui khai ah ng’düi law ne hteit ci.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

THU PHLAAN 17:15

Cun kawn ah khankho chang naw kei-am, “Nang naw na hmuh ah pletbeng ciah hnumi ah ngoh nak ah tui cu khaw nüng ung a hlü hlü ah ng’thu ci gui ah khui päng pa päng, chang khli gui ah kiak ci.

THU PHLAAN 11:18

Na m’lungshe nak ah a khin cu gawk law ne, Si pyi ci gui m’khoichaa nak ah akhin cun phi gawk law sei, m’dek chang gui cu m’lungshe ci gui nei. Bawipa ah akchangshäm gui, purofet gui, nak chang gui la ning kyih aa ci gui naw, a yaw a däm ah ciah, m’cümhnah nak ami gah nak vai ah khin gawk lawk ci nei. Khomdek shekat sak ciah chang gui, m’shet m’kat nak gui vai ah, a khin gawk lawk ci nei” ci ne Khanpughi ah maa ah ng’thu pyein ci gui.

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

THU PHLAAN 10:11

Cun kawn ah khankho chang naw, “Nang cu khaw akda ung, a hlü hlü ah ng’thu ciah khui päng pa päng la ghangpughang gui ah ma ah Khanpughi ah ng’thu cu ng’shäu ne na pyein ba khai nei” cine na pyen nak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

LUKA 4:6

“Shin ah bämang hlüngtai nak avan kei naw ka ning pek khai, shin gui avan cu kei ah kut ung om ci, a u-am phi kei naw ka pe hning ci.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

ISAIAH 37:26

“Caupui ge ung kei naw shin gui ka pawng püi ca kä na ng’ya man ne ma? Cun u tuhbäi ka bi law ah kyak ci khäng ciah mang gaw gui ng’awt bum ah ng’lat sak nak ah huham cu nang am kei naw ka ning pek ci nei.

ISAIAH 10:15

Cun ung phi Bawipa naw, “Ghei cu, acun bik ci chang ah ta dämduh pi ciah pyen hning vai ang? Ng’hlawh cicu m’hlawh ciah chang ah mä küikyang tuba ne ang? Ng’kii naw chang kä k’pang ci, chang naw ng’kii k’pang ci nei.”