THU PHLAAN 13:4 - Cho Bible Common Language 2016

⁴ Shawk naw a huham cu khiküi-am a ap pyi ah kyasei, chang avan naw shawk cu khawhnah ci gui. Chang gui naw khiküi cun phi khawihnah u ne, “Khiküi ah mäih a u om khai ang? Ani ng’tuk püi hning ci a u om khai ang?” cine pyein ci gui.

THU PHLAAN 13:4 Referans Kwoze

THU PHLAAN 13:2

A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.

THU PHLAAN 18:18

Cun ah mang gaw ui ciah meikdäi meikhu gui cu hmu u netah, “Shin ah mang gaw ah mäih a hei mang gaw a i sang ung phi kä man khai nei” cine m’lau ci gui.

THU PHLAAN 13:15

Ak htük ung khiküi ah agup am ghin nak peit nak hning cu ak hnih nak ah khiküi ung om ci. Cun ah kyasei a gup cu ng’thu ne ani kä khawihnah tuk ci gui cu m’sih gui hning ci.

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

THU PHLAAN 9:20

Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

1 SAMUEL 17:24

Israel gui naw Koliath cu hmu u neta, kyi ne dawng ci gui.

THULÄÄN NAK 9:2

Cun ung chang gui cu ng’ghaw sau u ne gai ci gui, ngami cu chang dämghaw ah kyak ci gui. Ngami a u naw ng’düi ne kä hnungtuk püi gui hlawt ci, ci cun phi, nami ng’ya tu man ci.

ISAIAH 46:5

Bawipa naw pyen ci, “A u awn ang kei cu nami na m’täng kaw?” “Kei ah mäih a u baw om ne ang?”

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

THU PHLAAN 13:11

Cun kawn ah khiküi tumat cu m’dek ungka lut law sei ka hmuk ci. Ani cu htome ah mäih ah aki hnih om ne, shawk ah mäih ah ng’thu pyein ci.