THU PHLAAN 13:2 - Cho Bible Common Language 2016

² A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.

THU PHLAAN 13:2 Referans Kwoze

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

THU PHLAAN 17:12

“Nang ah na hmuh ah aki ghaa cu, kä uktu phak ci gui ah ghangpughang ghaa ah kyak ci. Ngami cu khiküi awn a täng ah nayi ät hta ung huham gah tuk khai gui ah kyak ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

THU PHLAAN 13:4

Shawk naw a huham cu khiküi-am a ap pyi ah kyasei, chang avan naw shawk cu khawhnah ci gui. Chang gui naw khiküi cun phi khawihnah u ne, “Khiküi ah mäih a u om khai ang? Ani ng’tuk püi hning ci a u om khai ang?” cine pyein ci gui.

THU PHLAAN 12:15

Shawk naw, cun ah hnumi cu tui naw a hteh vai ah am gawng awn tuinu ah ng’tat ne lawng khai ah muh ci.

THU PHLAAN 12:13

Shawk naw ani cu k’täm ne m’dek khan ah ami yuk gawt ah mawng cu hmat netah, pamihta ah hta ciah hnumi cu shui ne phak ci.

THU PHLAAN 16:10

Akhmaa nak ah khankho chang naw a eikbei ungka cu khiküi ah mangkiaang ah khan ah yuk huk khätah, khiküi ah uknak khaw avan cu mü ne hmüp yawp ne, cun ung om ciah chang gui cu geinvai u ne, ami haa htui ne kawp yawp ci gui.

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

JEREMIAH 5:6

Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.

ISAIAH 5:29

Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

NG'THU K'THUUK~ 28:15

Dukhaih ci gui cu uktu gi naw hnu na gui u sei amgein kaa ah kyak ci gui. Ani cu m’ngawk ciah kawng la khawm ah maih ah kyih vai ah kyak ci.

NG'THU K'THUUK~ 17:12

A hta maih ciah khawm anu awn ng’hmuh cu akshe bi vai laih laih ah tawt ciah changshe awn ng’hmuh ah ta ba tuba ci.

SAM 22:21

Kawng gui ah m’gawng ung nak phyawn nä; Shin ah se nget gui ung kei nak phyawn khai kä om ci nei,

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

HABAKKUK 1:8

“Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.

AMOS 3:12

Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

THU PHLAAN 13:12

Ani naw dang law htük ciah khiküi ah m’gäi nak huham cu amät ah ma ah mang yawp ci. Ani naw asih nak vai ah aleim khan ba ciah khiküi cu, khomdek la khomdek chang avan-am liing ne khawihnah sak gui ci.