THU PHLAAN 13:1 - Cho Bible Common Language 2016

¹ Cun kawn ah alu chih aki ghaa lawk ciah khiküi tumat cu tuinu ung kaa lut law sei ka hmuk ci. Aki päng ung lukhu büng ne, alu päng ung Khanpughi ah thang shet sak ciah ming om ci.

THU PHLAAN 13:1 Referans Kwoze

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

THU PHLAAN 17:3

Cun kawn ah khankho chang naw mumcha awn kei cu bung ah na hteh püi ci. A cu ah khiküi asen ung ngok ciah hnumi nu cu ka hmuk ci. Cun ah khiküi ah pum avan ung Khanpughi ah thang shetsak ciah ming cu be ne ng’guk ci, khiküi cu alu chih law ne aki ghaa lawk ci.

THU PHLAAN 11:7

Ngami ah ng’thu ng’shäu ang pyi ah a kyak ung, m’htei lungkhui ung kaa khiküi lut law ne, ngami cu ng’tuk püi gui ne, näng gui ne ngawn gui khai.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

THU PHLAAN 17:16

Nang naw na hmu ah khiküi la aki ghaa naw pletbeng ciah hnumi nu cu thüi nak khai gui nei. Ngami naw cun ah hnumi cu a suisak avan suh pe u sei akplui ah om khai nei. A sa cu ei u ne, ani cu mei awn m’khih khai gui nei.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

THU PHLAAN 15:2

Cun kawn ah mei awn ng’caw ne k’tolung k’phlai nu ah mäih lawk ci cu ka hmuk ci. Khiküi ni, amät ah gup ni, ming khei nak khäm ci gui ni, ah khan ah näng nak gah ci gui cun phi ka hmu gui ci. Ngami cu Khanpughi ah peit gui ah tingtäu kawt u ne, ktoulung k’phlai ah mäih tuinu pei ah ng’düi ci gui.

THU PHLAAN 17:5

Ani ah amcalai ung, “Khaw ah kaa ung shemshai ne pletbeng ci gui ah nu, Babilon gawnu” cine thuuk ciah ng’thu awn ami guk ah kiak ci.

THU PHLAAN 13:11

Cun kawn ah khiküi tumat cu m’dek ungka lut law sei ka hmuk ci. Ani cu htome ah mäih ah aki hnih om ne, shawk ah mäih ah ng’thu pyein ci.

THU PHLAAN 13:14

Ani naw ak htükbäih ah khiküi ah maa ah abi hning ah cäi aih vai gui cu m’dang ne khomdek chang gui cu hmühma sak gui ci. Ani naw khim awn leim ne phi kä si ne ghing ciah khiküi m’tamkhah nak ah a gup cu pyan sak gui ci.

THU PHLAAN 13:15

Ak htük ung khiküi ah agup am ghin nak peit nak hning cu ak hnih nak ah khiküi ung om ci. Cun ah kyasei a gup cu ng’thu ne ani kä khawihnah tuk ci gui cu m’sih gui hning ci.

THU PHLAAN 16:13

Cun kawn ah k’u ah mäih lawk ciah mümcha she pathum cu ka hmuk ci. Cun gui cu shawk, khiküi la purofet she gui ah m’gawng ungka lut lawk ci gui ah kyak ci.

THU PHLAAN 19:19

Cun kawn ah khiküi ni, khomdek khan ung ghangpughang gui la, ami gakap gui ni naw, ng’se bawk ng’cum ci la a gakap gui cu ng’tuk vai ah ng’cut law u sei ka hmuk ci.

DANIEL 2:41

Khawlek la khawnu gui cu ateih m’deknai, ateih m’sii ah kyasei na hmuk ci. Cun cu ng’pai ciah uktu khaw ah kyak ci. Acun ung m’sii ah mäih ah thamah nak amshah om khai, a i ah kyasei ci ung cun ung m’deknai awn ng’caw ciah m’sii ah om ah hmawk ah kyak ci.