THU PHLAAN 12:9 - Cho Bible Common Language 2016

⁹ Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

THU PHLAAN 12:9 Referans Kwoze

LUKA 10:18

Bawipa Jesuh naw, “Khankho ah kho alai-läp ah mäih ah Satan cu kya law sei ka hmuk ci.

JOHAN 12:31

Shin ah khomdek cu tuhbäi m’khawichaa nak gah pyi ci nei, khomdek khan uk ci cun phi tuhbäi htin lawk khai nei.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

ISAIAH 14:12

Babilonia ghangpughang khang ciah thaihke aisi, nang cu khan khaw ah ka na kya kyum ci nei! Acau läi nang naw chang pakhui gui na näng man ci, cun ung phi tuhbäi m’dek ung ning yuk ghawt ci gui nei.

ATÜNNAK 3:1

Khanpughi ah tüisho avan ungka k’phyu cu ng’khailang pikbäih ciah kyak ci. K’phyu naw hnumi am, “Shin ah dum ung om ciah ak ghing nü ah am theih cu kä na ni ei vai ah Khanpughi naw akcang ah pyen ne ma, cine ng’shik ci.

THU PHLAAN 12:7

Cun kawn ah khanmawpi ah ng’tuk bi nak om ci. Michaela la ak khanchang gui naw, shawk cu ng’tuk püi ci gui. Shawk la ak khanchang gui naw phi ng’tuk tu ba püi ci gui.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

ISAIAH 65:25

Hnei la htome gui ei vun ne ei khai gui; Seipat ah aräih ah phongkawng naw m’gahw ei khai, k’phyn ung am äm kä om ba khai. Kei ah theingcim ciah Zion m’htung khan ah, nat nak la shetkat nak ai phi kä om ba khai.”

THU PHLAAN 20:8

m’dek ah khan ung chang avan cu cheishoh sak ne, kok la Makok ah ming ciah ng’tuk bi vai ah ng’cut sak gui khai. Ngami cu tuinu kem ah laigin chü ah da ci gui.

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

THU PHLAAN 9:1

Cun kawn ah ak hma nak ah khankho chang naw ak phyungheng cu tum khät ah khomdek khan ah aisinu tumat kya law sei ka hmuk ci. Cun ah aisi cu m’htei lungkhui hmawn nak vai ami peit ah kya ci.

THU PHLAAN 2:24

“Cun ung phi ngami ah kawn ah Thiatira ung chang gui naw cun ah shekak ciah m’thei nak cu kä läk ci gui. Chang a hei gui naw Satan ah thuuk ciah a mawng gui ah ami pyein gui cun phi, nangmi naw kä nami m’thei tuk ci. Nangmi ah khan ah a hei phuih gih kä ka taih khai.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

2 KORIN 11:14

Cun ah ami bi cu cäcat vai kä kyak ci, Satan hngaw akdei ah khankho chang ah ng’hlawk thei ci.

2 KORIN 2:11

Cun ung vah Satan cu mikmi ah khan ah kä a näng vai ah mi shung hlawt khai; Satan ah theileh cu mikmi naw mi hmat ci.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

LUKA 22:3

Cun kawn ah Satan cu Judas Iskariot ah m’lung kyong ah lut ci.

LUKA 8:12

Lam ung kya lawk ciah m’shi ci cu, Khanpughi ah ng’thu ng’yak ci, cun ung phi ng’yak ci gui naw yum law ne hun nak ami gah vai ah khogam cu ng’ä law netah, ami m’lung kyong ungka Khanpughi ah ng’thu cu lak pe gui yawp ci.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

MATTHE 4:8

Cu kawn ah khoshe naw Bawipa Jesuh cu, hlüngtai pibäih ciah khohtung khan ah hteh püi ne, khomdek khan ah chang ah uknak kho avan la ami bämang nak avan cu m’hnuh netah,

MATTHE 4:5

Cun kawn ah khoshe naw Bawipa Jesuh cu Jerusalem, theingcim pi ciah gawnu ung, ak hlüng pibäih pum im khan ah hteh püi netah;

MATTHE 4:1

Cun kawn ah khoshe ah tüihtok nak a aut vai ah Bawipa Jesuh cu Mumcha naw bung ah hteh püi ci.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

ATÜNNAK 3:13

Bawipa Khanpughi naw, hnumi am, “A i vai ang cun ah na bi” cine ng’shi khäta; Hnumi naw, “K’phyu naw na ei sak sei ka ei ci nei” cine pyen ci.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

THU PHLAAN 16:14

Ngami cu khawshe ah mümcha gui ah kya ne cäi aih vai phi m’dang hning ci gui. Khaw nüng ung ghangpughang päng cu, hlüngtai pibäih ciah Khanpughi ah ng’tuk bi nak hnüüp ung ng’cut lawk khai gui ah khü gui vai ah ngami cu hteit ci gui.

THU PHLAAN 13:14

Ani naw ak htükbäih ah khiküi ah maa ah abi hning ah cäi aih vai gui cu m’dang ne khomdek chang gui cu hmühma sak gui ci. Ani naw khim awn leim ne phi kä si ne ghing ciah khiküi m’tamkhah nak ah a gup cu pyan sak gui ci.

THU PHLAAN 9:20

Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

JUDE 1:9

Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

1 TIMOTHI 2:14

Hmühma nak gah law ma cicu Adam ah kä kyak ci, hnumi ah kiak ci, Ani naw Khanpughi ah thukhän cu shetkat sak ci.

2 THESSALONIAN 2:3

A i ah kyasei phi chang gui naw hleeihlak ne ami pyein cu kä nami yum-en vai nei. Ak hnubäih ah Khanpughi hnu ng’tuk kütnet püi nak la m’htei ah hteit khai ah akshekha säih kä gawk law pha ah chuih, Bawipa ah hnüüp cu kä gawk lawk khai nei.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

JOHAN 16:11

M’dek khan uk ciah bawi cu m’khoichaa nak gah pyi ci kya sei, m’khoichaa nak ah mawng dang khai.

JOHAN 14:30

Khomdek khan uk cicu gawk law pyi ci, cun ung phi, ani ung kei anam khüt nak vai a i kä om ci.

LUKA 13:16

Abraham ah hta ah kä kyak ciah shin ah hnumi cu khokum gha-lei-cheit ung satan ah khih pawn nak gah ci. Ani cu cun ah khih pawn nak ungka pum hnüüp ung kä m’hlawt vai ma?” cik ci.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 13:39

Khumghaw m’shi cu khoshe ah chang gui ah kyak ci. Geit khäm khin cu kho ah khüt nak vai ah khin ah kyak ci. Geit khäm ciah chang gui cu khankho chang gui ah kyak ci.

1 SHONTÄP NAK 21:1

Satan naw Israel chang gui ah khan ah yaica nak law püi hlü neta, David naw chang ak khei vai ah k’bäi sak ci.

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

EZEKIEL 28:16

Nang cu yoi ne hleih ne na tawt law ci, acun naw kiawimsaa nak la katnak ung ning hteh püi ci. Cun ah kyasei theingcim ciah ka khomhtung na hteh tak vai ah ka ning k’tut ci, nang ning ngäng ciah khanchang naw nang cu pyü ciah lungka ning k’täm ci.

THU PHLAAN 18:23

Ngawi ah phi nang ung mei im ah dei cu kä hmuh ba vai nei. Ng’puui ng’khap khai ah ng’piangmi, ng’laami ah k’aw phi kä ng’yak ba vai nei. Nang ah sumlei chang gui cu khomdek ah khan ung hlüngtai pi ci gui nei. Nang naw chang ah hta avan cu ng’yo hleip nak awn na cheishoh sak pyi yawp ci nei,” cine pyein ci.

SAM 109:6

Ka ga cu thu m’chak khai ah m’gak ci cu ghü ä, ani cu amät ah ga awn di sak ä.

THU PHLAAN 12:8

Cun ung phi shawk la ak khanchang gui cu m’khüt gui u sei, khankho ah kä om tuba ci gui.

THU PHLAAN 12:12

Cun ah kyasei khanmawpi la khankho chang gui yeikyai vä. Khomdek la tuinu ah phäh ah thüisei vai ah kyak ci nei. A i ah kiasei ci ung khoshebawi cu amät ah akhin apihta bäng om ba ciah hmat netah, ang htei ah m’lungshe ne ngami ah om nak ah a gawk law pyi ah hmawk ah kyak ci nei” cine a pyein cu ka ng’yak ci.

2 SHONTÄP NAK 18:21

Mümcha naw m’shang ne, “Kei hteit ne Ahab ah prophet gui avan hleei ne ka m’thein gui khai” cik ci. Bawipa naw, “Hteit ne m’hleei ä, na näng khai nei” cik ci.