THU PHLAAN 12:7 - Cho Bible Common Language 2016

⁷ Cun kawn ah khanmawpi ah ng’tuk bi nak om ci. Michaela la ak khanchang gui naw, shawk cu ng’tuk püi ci gui. Shawk la ak khanchang gui naw phi ng’tuk tu ba püi ci gui.

THU PHLAAN 12:7 Referans Kwoze

JUDE 1:9

Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

EPHESIAN 6:12

Mikmi cu hnicim cang awn ng’tuk mi bik ciah kä kyak ci, khankho ah om ciah mümcha she gui la shin ah kho hmüp nak kho ung, uk ci gui, huham mah gui, la hlüngtai nak om ci gui awn ng’küükneet ne ng’tuk mi bik ciah kyak ci.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

DANIEL 10:13

Persia uktu ah khanhta ng’piang naw hnüüp m’ku lei ät ung na hnu nak ci nei. Cun kawn ah khanchang gui ungka ang vaipi tumat Michaela naw law ne kei cu na m’htei ci, a i ah kyasei ci ung Persia ung kei cu ka mät hta bäng ka om shüt ciah kyak ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.

THU PHLAAN 13:7

Ani cu Khanpughi ah chang gui tu ne näng nak gui vai la akhaw päng ung a hlü hlü ah ng’thu ciah khui päng pa päng uk nak vai ah huham cu gah ci.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

SAM 78:49

Ani naw am lung she nak la am gäi nak awn sih nak ng’shä cu tüih gui ne, aktung ah khüikha sak gui ci.

MATTHE 26:53

Kei naw kapa ah kang yoih ah a kyak ung Kapa naw ga-mo mawng gha-lei-goi ah däm ciah khankho chang gui cu, tüi lawk khai ci cu, kä nami hmat ci maa?

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

ISAIAH 34:5

Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

THU PHLAAN 12:8

Cun ung phi shawk la ak khanchang gui cu m’khüt gui u sei, khankho ah kä om tuba ci gui.