THU PHLAAN 12:4 - Cho Bible Common Language 2016

⁴ Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

THU PHLAAN 12:4 Referans Kwoze

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

THU PHLAAN 9:19

Ng’se gui ah huham cu ami m’gawng la ami ng’mei ung om ci. Ami ng’mei gui ung k’phyu ah mäih ah ami lu om sei, acun naw chang gui cu m’so m’leik sak gui khai.

THU PHLAAN 9:10

Ngami ung khawm-ai ah mäih ah ami ng’mei la ami mawng om ne, ami ng’mei ung chang gui chaa hma ung dukdeiu na gui khai ah huham om ci.

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

PHYAWN NAK 1:16

Ani naw, “Hebru hnumi gui nami m’hta tu ah a kyak ung, pami ah ami hta ung nami ngawn vai, hnumi ah ami hta ung nami ghin sak vai” cik ci.

THU PHLAAN 17:18

“Nang ah na hmuh ah hnumi nu cu khomdek khan ah ghangpughang gui uk gui ciah mang gawnu ah kyak ci,” cine pyein ci.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

THU PHLAAN 8:8

Akhnih nak ah khankho chang naw ak phyungheng cu tum khätah, mei ah däi ciah khomhtung nu tuinu ah khan ah yuk chah law ah mäih ah kya law khätah tuinu bumthum bum ät cu si ng’hlui ah ng’lat ci.

THU PHLAAN 8:9

Tuinu ung om ciah a hnun k’ghing bumthum bum ät cu si yawp u ne, hteinpaw bumthum bum ät cun phi di yawp ci gui.

THU PHLAAN 8:10

Akthum nak ah khankho chang naw ak phyungheng cu tum khätah, ng’laam ne däi ciah mei m’lei ah mäih ah aisi nu cu khan ah kaa, tuinu bumthum bum ät la tuihta gui ah khan ah kya lawk ci.

THU PHLAAN 8:11

(Cun ah aisi cu ak kha ming nak ci.) Bumthum bum ät ah tui gui cu tui kha ah ng’lat yawp ci gui. Chang khli cu cun ah tui ak kha cu aw u ne si yawp ci gui.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

THU PHLAAN 12:7

Cun kawn ah khanmawpi ah ng’tuk bi nak om ci. Michaela la ak khanchang gui naw, shawk cu ng’tuk püi ci gui. Shawk la ak khanchang gui naw phi ng’tuk tu ba püi ci gui.

THU PHLAAN 13:2

A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.

THU PHLAAN 13:4

Shawk naw a huham cu khiküi-am a ap pyi ah kyasei, chang avan naw shawk cu khawhnah ci gui. Chang gui naw khiküi cun phi khawihnah u ne, “Khiküi ah mäih a u om khai ang? Ani ng’tuk püi hning ci a u om khai ang?” cine pyein ci gui.

THU PHLAAN 16:13

Cun kawn ah k’u ah mäih lawk ciah mümcha she pathum cu ka hmuk ci. Cun gui cu shawk, khiküi la purofet she gui ah m’gawng ungka lut lawk ci gui ah kyak ci.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.